top of page

Hayungo Bubagrani Mwngwi Borom Maharaja Bir Bikram Airport

Tripura hasteni laibuma ni kok sana thangkhe no chwng Tripurani laibuma rwk sathai kwlaio. Tripura Hasteo 184 raja chawi thang kha hinwi kahama kheno Tripura ni luku rog sawi manu. Aswk kwbang raja chai thangma bisingo tangwi Bubagra Bir Bikram ni mwngwi borom yaphar jakha Tripura hasteo haphangni bwkhaktwi. Abono haino hai sathai kwlaio Maharaja eba Bubagra Bir Bikram Manikya bw kwthang tonglang phru Tripura nw emang nwk lang kha “Modern Tripura” Swnam na hinwi. Bo kwbangma samwng rok bw tangkha bini o emang no kwbwi khaina bagwi.

Agartala o mamblai swkang chini Bubagra no airport swnam riwo. Abono karwi bo Kanchanpur Birkhung khola swnam lang bw sakthar jakha Maharaja Bir Bikram Kishore Manikya.


Kwbangma sakthar laimung ni bisingo 2018 bisio kwbwi kwbwi no Tripura ni luku rok kaisa koktwma kaham mankha. Bubagrani mwng bai Airport mwng pharnai hinwi haphang kok rokha. Tabok hayungo no Bubagrani mwng bai sini jag sinai – Borom thwiya sakni bangwi rojagwi thang sinai.


Bisi kwtal 2022 ni 4 tarik o phiyogwi rojakha Bubagra ni mwngwi Airport. Omo nw Bubagrani mwngwi hayungo borom. O koktwma nw khunawi Tripura hasteni rok luku khatung laijak.

Bharat hakotorni Montri Bakhrak Narendra Modi ni yak twi nw – o Airport kwtal Terminal phiyogwi rojakha. O Airport swnam thanio belaino kwtal technology bai swnam jakha. Ora waisa bai n0 kaidok (six) birkhung berawi manu tei 1200 borok rokno leng la rowi manu. Airport authority sakha tei bw advance security o samwng tangjak kha hinwi. Airport nok gana gini o belai naithothak khaiwi swnam jakha tei khum bulung bai mwchang jak khaiwi swnam jakha Bubagra ni mwngwi Aiport.


Main buildingo 360 camera swnam jak tei coffee nung jak nai thai rok smoke nung nai rok ni bangwi bw extra khe room swnam jak rok tongo. Tei oro hayungni nograi rokno Tripura ni naithothok thai rok phwnwk na bangwi Tripura Tourism ni Chakrakma eba Chhabimura tei Unikoti mangphili bw tisai phunuk jak kha.


Bubagra nukhungni Bubagra Pradyot Manikya Debbarma, Maharaja Bir Bikram achaima salo sakha - Ha Bubagra Bir Bikram Kishore Manikya ni je emang tongmani rogno soisoi khwlaimakhe se borom romani kwlainai. Bubagra Pradyot teibo sakha, kwbangkuk borokno Habubagra Bir Bikram Manikya Bahadurno nugyano bangkuk o. Phiya bini imang tabuk bo chini thani kwthang tongkhu. Habubagra Bir Bikram hasteni rwng tai bekherep ni hamkrai samungo mukumu mari khwlai kwlangkha. Rabindranath Thakurno “Bharat Bhaskar” sokat rioi borom yapharmabai baksano Tripura bai Kabiguru ni kuthuk halok bolaithani Habubagra ni kotor yak tongo. Birkhung kholani simi romwi hasteni lukurokno joto beremni sep sap manthokrina bagwi joto babai twiwino kwrwnglaimung samungni hamkraio samung tangwi thangnai khoroksa.


Kwtal Bubagra Bir Bikram Manikya mwngwi kwtal Terminal no Rs. 450 Crore rangni mari swbaiwi swnam jakha. Omo phainai salo hayungo berai khwrai khaithanio belai kwlai ung thangnai.

Tripura Tourism ni Chakrakma tei Subrai Khung ni mangphili bw tisai phunuk jak kha

Bharat Hakotorni Montri Bokhrak Narendra Modi phiyowi kwlangmani yakulo tei bw sawi mankha MBB Airport tabok Bangkok tei Bangladesh bai bw kwrwngnai hinwi. Omo no twi luku rog khatung laijak Bubagrani mwngwi Hayungo Borom hinwi. Tei o Phiyok jakma pandao belai hahom-dodam kheno palai jakha Agartalani Swami Vivakananda thungkholao. Ora kwbangma hasteni luku rog phai majak phaima nwk jakha tamo Tiprasa tamo bwini dopha.


Thinago tei bw koktwma ni bisingtwi sawi makha phainai salo Kanchanpur Airport bw kwtal khaiwi phaiyok jaknai hinwi. Phiya omo Maharani Kanchan Prabha Devi ni mwngwi de ung nw?


O kokbwkhal swnamjakha Adivasi Awaaz projectni bwkhaktwi, Misereor tei Prayog Samaj Sevi mothani chubamungbai.

Comments


bottom of page