top of page

Rangchak Rukphaiya, Waa Bai No Chwng Naithok Wakhun Kanui Maano



Bwrwi borok rog teibo naithokna bagwi goina goisha kaano. Wa bai swnamjaak goina tabuk belai khe popular wngkha. Bazaar o naithok naithok wa ni goina maano. Belai khe no naithok waa milik ni wakhum jesa jaga thang fru rogo kanu. Kailai panda wngthwng ba mela rog wngthnwng, naithok goina kanmabai chwng tei bo dress bai mwchangwi thango. Ang wngkha Sarika Debbarma tei aang wa by goina swnaamo. Aano kwbangma borok rog swngo je aang bahaikhe amotwi goina swnaam. Hinkhe phaidi tini swrwng lainai bahaikhe wa by wakhun swnaam.

  • Maamblai swkang khe chwng bolongo thangwi waa milik waa kwra wng jak rutugwi kaham nai daa bai waa kongsa tan nai. Aboni ulo waa eangsa eangsa (one foot length) khai tanwi nogo tubui waa fekogwi nai waruk chir nai naithok naithok khai.

  • Aboni ulo satungo salsa fwran nai waruk no tamoni hinke satungo fwranya hinke jewellery o bakumai pernai si. Fwran bai khe swnam sinai jewellery khunju ni.

  • Wakhum sandan bwchwlwi rog tai mairukhung bwchwlwi abo hoog rogo manu. Jodi no o bwchwlwi rog man thok ya hinke bazaro faljak mani mala subui fal mani abo bai bo waruk ni wakhumo thepai swnam mano.

Waa milik bai sudu wakhum simi swnam jakya taibo swnam mano. Chini bwrwi rog ni totra ni mala, yaak ni mathiya, yaak ni yaasitem tai khajuni surang swnam mano.Chini bwrwi rog abo hai rog kanwi nogni nong khor khai belai khe no naithogu tei mubo mwchangu. Tai hinke waa ni jewellery swnam furu je sa color rog jemon kwchak, kwkhrang, kufur, kormo, gulapi tai kosom abo hai rog bo color fului bo kanwi manu. Bright color rikha khe hakchal ni simi bo naithok khai nukjago. Tai hinke chwng o waa ni jewellery no sak sak kaanna bagwi simiya, bahai khe swnam abono swrwngwi bo phaalwi mano tei income khai mano. Oboni ulo bo nwng buino bo phwrwng mano. 


Waa bai chwng totra ni mala set bo swnamoi maano

Tai hinke paithago chini borok rok agini dino waa ni manwi jemon khuturug, waaying, yaangkhung abo hai rog swnamu hinwi saimano hai fano waruk ni sajok jak nai (juwelary) swnam ma nuk yaa khu. O jewellery chwng tabuk ni salo se swnam laiwo. Aage ni jorao khe rukphai tei rangchak bai no goina swnamjakgo. Ang kha khaio je o samung no ang swrwngwi khai funuk ma hai khe tai kubun borok bo swnamwi bumung wng thwng hinwi. Obo hai samung khwlai maankhe laab tongu tai bobisoto obono falwi bo chai thang mano.t Ang belai khe tong thok kha o samung no swrwng man ma bagwi. tai ang swkang puila hinke o samung no khai man glak hai ma tong mani haifano ulo swrwng mang swrwng mang man thang ka. Aswk no ani swi mung. Jottono hambai.


This article is created as a part of the Adivasi Awaaz project, with the support of Misereor and Prayog Samaj Sevi Sanstha.

Comments


bottom of page