Luku hamkwrai ni sebuk wngna khoroksa tei khoroksa ni imango achukthai jora kwdwk romwino tongui tongo tei chini Tripuri dopha o hamkwrai swkang khwlaina nangnai jesa phasingtwi naharwi tei nukgui tongwi aborogno chaya tei kaham kainwino twiwi swlaimung kotor tobona nangnai hinui o kokrog salaimani chwng siwi phaiwi nu tongo.Tei kotor choba o mung kotor najaknai komor thangpaijak phiya borogni mung chini joto kwthang tongui tongnai borokrogbai sinimung kaham wngui tei manwi kwbangma borokrogni bwkhao tei puito o tabokbo achaijak tonguino tongo.Tei wansokmung kahamni samung kaham khainai borokrogni umor bo thwiyani umor eba paiphwlaya umor manna nango hinui sajakgo.Chwng abohaino chini bagwi Tripuri bosongni khoroksa luku hamkwrai ni sebuk lama o himwi tongnai tei umor sakbaksa ni jora ni simi nu bini langmao kotor mung kaham lukurogni bwskango samung kaham tei tongmung kahambai gwdal tongnai bini bagwi kok kahamno silainai.
Ani achaima omthai thwi kwlaima thai wngkha Patni para,Mandwai tei chini District kwlaio West Tripura.Chwraini siming Agartala no tongui poriob tei Ani Babu khoroksa School ni Headmaster khwlai tei ani achaisong khoroknwi ang okra tei ani mwnai tongo chwla khoroksa tei School porimani hinkhe Netaji Subhash Vidyaniketan class 12 jora porikha Arts stream nawi tei 12 pori tongphuru CLAT Entrance rwkha hinkhe 12 pass khaipai TGLC eba Tripura Government Law College o BA.LLB ni bagwi porinani sep mankha college joint khaika 2008 bisio tei college paikha 2013.
Tei college o poriwi tongtwtwino Agartala High court of Tripura aro rogo thang laisu wngui practice khaina sep mano hinkhe aro thango waisa woisu tei bwkha thangsao je chwng je khwlaina muchungmano twiwi pori to twtwino porimani logio borokrogni cases rog bomohai bai gwdaljak tong hinui Senior rog no rwktharwi borogbai logi twijakgwi tei borogni samung kahamrogno naharwi chwngbo rwngwino thango,tei 2013 bisino Graduation paipaima logi logi preparation khaitongo AIBE ni bagwi tei abo wngkha All India Bar Exam tei o exam no pass khaikha 2014 o tei ang aphuru ni siming khoroksa Advocate hinui sinimung mankha." Sao, Advocate Bikash Debbarma.
Kubun Article: SAWTW BIE PUNGJA
1st case tamono twiwi mankha tei bwswk umorni siming court o lukurogni bagui choba khwlaikha,"umor 24-25 obohairogni siminu court ni chobao yapri rwkha tei ani 1st case manmani 2014 o abo wngkha murder khaimani tei khoroksa bolong borok bo boino bwtharmani bo surrender khaima yagolo case cholikha tei o bolong borok bo Mandwai Kami ni kwlaio haini bagwi ano borog saphaikha."sao Advocate Bikash Debbarma.
"Dophani bagwi samung kahamni sebuk khwlai Thani chini tiprasa kwrwi borok jwngjal o kwlaijak borokrogni bagui baksa borokrogno chubao tei chubawi rwjakgo nijini rang yakbara no khibiwinu court o choba khwlai chubai rio.Tei aroni bisingo borog hinui hasaka achaiphaikhe kahambo tongnai hamya bo tongnai.Haiphano kebo chaya kaijakgui tongkha bini bagui mungsa lama krwikha hinkhe bo court o case khainani nangnai abohai.Tei joto borokrogni bagui rang kwbang tongkhe simi court case kahor manai haini hinui kok rog swijak kwrwi tei joto borogrogni bagui no chini swmai najak tongo borokrogbo chubanai hinui tei lama kaham phunuknani."
Boro thai juda rogo court case ni bagui choba o khaina bagui ma thangka,"chwng all over India nu ma thango tei Tripura ni joto District court o simi bo chini samung wngya tabok Delhi, Hyderabad, Bengaluru,Patna, Guwahati, Shillong joto Northeast India no khopbwi tei chini Tripura o tongwino chwng court o thangui borokrogni bagui choba ma khwlaio tei case wngkha omohai daktino pai thangya case bisi kwdwkma romwi choli tongo tei 1980 bisini case rog tabokbo choli tongkho abo ani yakgo sokphaijak tei jephuru hearing wngo aphuru simi thangui kokrog ma sawi o."
Yakbara ajimung ni bagwi da Tripura ni phataro bo thang nangui thang,"chini duty chwngma thango tei chungno borokrog samung nangjakgwi borogno twlangwi thango aro chwng nijini rang swbaina nangya.Tei profession omohaino samung aswkhe kwbang jora si kwrwi chini yakgo samung bakgui si khwlaina kwlai thango tangui hinkhe o samungo borokrogbo aswkno tongo tei cases bo lekhabaya aswkno sokpayo chwng Advocate rogni thani."
Khoroksa Advocate nu wngnai saboni Imang tongmani,"abo khoroksa Advocate nu wngnai hinui anino Imangn, je samaj ni bagui dopha hamkwrai ni bagui lukurogni bagui samung khaina muchungmani poriwi siwi saimanmani tei ang Inspired wngmani kwbangma thwiwi thangjak borok kotorrog dophao joto borokrogni mokolo thwiya umor manjak rog, tabok Mahatma Gandhi khoroksa bono tei bini laibuma rogno nukgui siwi bwkhao chongui nakha ang mungsa kotor nu khwlainai hinui tei maa pha ni bwkhaktwi mungsa bedokmung kwrwi je omohaino wngna nangnai hinui.Tei kaham khaina thangtani swkang knowledge to ma nahanai swrwngna nangnai aboni bagui kosto khwlai porinanino nangnai jeswk nung kosto khaikhe thinango bo kahamno wngnai."
Imang nini tongkhe kubui salsa kaham wngui mukthango mokol bwskango nukjakguino thango salsaya salsa.Kubui borokni kaham samungni mari nukguino thango jora kaisao luku bwskango.Phan kaham jora kaham sabo ni baguile kwrwi tong, jora no samung kahambai gwdalrwi rohona swrwngkhe jora kaham bo chubanai nono umor jeswk tongsak paiphwlayasakno.
O kokbwkhal swnamjakha Adivasi Awaaz projectni bwkhaktwi, Misereor tei Prayog Samaj Sevi mothani chubamungbai.