top of page

Swrwngmungni logio kwplai ungkha photogenic Miss Northeast o - Debika Debbarma

Taklai bisi Miss Northeast 2023 batailaimung pandao - Tripurani ungwi khoroksa bwkhukjwkbw haino thangwi sogwi kha Sikkim hasteni batai laimung thaio. O bataimungo kwplai ungwi kubun hasteni manphanu Naithokmung eba Photogenic ni sokat phanu tabowi Tripura hasteno borom swnamkha. Debika Debbarma khoroksa Tripura university swrwng tong nai bukhukjwk. Bw Tripura Unuiversity M.A. English subject nawi swrwngwi tongw. Bw omono karwibo Tripura hasteni omo hai kubungma Traditional Fashion show hai panda rogo bw manjagwi tongw.


Miss Northeast 2023 - Debika Debbarma
Debika Debbarma (Photogenic)

Debika, Puila bw aswk sawimanya Beauty Pageant rogno twi phiya fbb Colors Femina Miss India Tripura 2018 Mamita Debbarma bono o sep romabai bw belaino kotor swrwngmung yachagwi mankha. Sakni Tripura hasteno bwini bwskango tulangwi phunukna lama nwkha. Je wanswk tongma sai naithothok khaiwi nwkha. Tripura hasteo bwrwi simiya Chwlabw haino kwbangma Mr. India hai kwplai bw tongo phunukmari Mithun Debbarma tei The 12th Beardo Mega Mister Northeast ni kwplai Adhong Jamatia hai mungswnamjak hasteo tongo.


Debika Debbarma bw Teacher no khaina mwchwk jagw phiya "Women Empowerment" boni o Beauty Pageant ni bisingtwi dophani bwrwi rogno bw phan rona mwchwk jagw eba kaisa phunukmari ungwi luku rogno yaksosanna mwcwhk jagw.


Kubun Article: Bolongni chamuang bwthai - bono chwng bwswk sithai


Miss Northeast 2023 taklai Sikkim Hasteo 5 tei 6 Novembar khwlaijakha, O pandao Northeast bebak hastenino thangwi sogwi kha khoroknwi khaiwi phiya Tripura, Mizoram tei Manipur hasteni hinkhe khoroksanu sogwi sio. Taklai nio kwplai ungkha Nagaland hasteni Kenai Ritse, Assam hasteni Animika Borah hinkhe 1st Runner-up tei Mizoram hasteni Jennifer Renthlei hinkhe 2nd runner-up mankha. Kwplai 1lakh rangmari ni sokat yachakha Sikkim hasteni Montri okra Prem Singh Tamang ni yago.


Debika sakha - Beauty Pageant ni bisingtwi luku rogni borom simiya - Confident level, Cultural exchange tei experience borog rogni thani tei bw swrwngmung mankha. Ang thinangni bangwi teibw swrwngmungni bangwi ready.

Bw khoroksa Tiprajwk ungma bangwi chamumg rokbw cha borokno chana hamjagw "Muya Chakhui" rok. Tei bw belaino sakni dophani bwrwi rogni bangwi bw "Women Empowement" ni bangwi samung khaina mwchwk jago.


Omo hai fashion rok tangwi khaiwani nang?


Bw sakha Fashion ri bwsa bwsa bwya fashion, Sak ri chumwi je comfortable ungjakma bw se fashion. Kanchum je chumui mwchwngmani bw si fashion. Bw tei bw sakha omo hai rok belaino hamya hinwi khunao haiphanu thangwi naikhe belaino kaham hinwi sawi mankha. Bahai khe bw ora Sikkim o thangmani yakulo swrwngmung mankha - Social Work, VIP rokbai, tei kwbangma Social activties rok, Sikkim hasteni tongmung chamung no karwi bw bahai khe borokno chubamungni samung chwng tei yakphuwar nang omo hai samung kaham rok yachwi tobowi mankha.


Miss Northeast hai rokgo bwrwi naithok hinkhe manai haiya beauty of Knowledge se ungna nango, Confidnet tei Positive si tongna nango sakha Debika Debbarma. Bw tei bw kok kwcharkha omo samungo kwrwngna mwchwknai rok tongkhe thinango chubana luku rogni bangwi naisingjak.









bottom of page