Tripura haste o April month ni tal o temperature eba tungmari 41°C wngmani bai Tripura Haa gwnangwi jwngjal achaikha keto khainai tei Hukbar khainai tei kwbangma rwngnok bedeksongbo haino sakhlaina nankha tei sorkarni bwkhaktwi bw hainw sakhlainani nangkha.Hikhe Phai di bwswk joratwi tang twi chanai tei Hukbar khainai rok ni bisingo jwngjal achaikha aborokno borogbai tei kamini lukurokbai cherwi saimanlaiwanw.
Chini Tripura haste o Gomati District bai khobjak Amarpur subdivision ni under Ampi block ni bisingo Nograi Kamini takhuk khoroksa Tripuri Jamatia community ni bisingo bo takhuk khoroksa Bitish Jamatia bo khoroksa tang twi chajanai khoroksa bo.Bobai chwng koklam Salaimani bisingtwi swrai swrai khe salai Mankha je o 2023 April month ni talo 41°C tungmari wngmabai aswkhe Haa ransawi thangmabai borogni moso Bagan tei rabar Chara khaijakrog bebak moso buphang thwiprai thangnani nai tongbai kha hwnwi sakha takhuk Bitish Jamatia.Boni nukhungni bororokno bo hukbar khaiwino naikolo.Borokni kheto bebagwi 5 Kani hairok jaga tongo haiphanw bo kheto khaimani hikhe 1 Kani hairoksi twmani hikhe twi kwrwi ni bagwi borokni kheto area o 100 drun Hai jaga tongo haiphanw kwbangkuk borok hukbar khainainw twi kwrwi ni bagwi hukbar tei kheto khlaimaya tei rang pwicha kwrwini bagwi hwnwi sakha takhuk bitish.Teibo oro bo Sanani kwlai o water pump sorkarni bwkhaktwi jugalwi ronani banta hwnwibo sakha.Takhuk Bitish song ni kheto area o kaisa songang river hwnwi tongo abobo belaikhe kwchal borogni ketoni 400 meter Hairok wnganw. Aboni bagwi mwikwthwng khainani belaikhe jwngjal o kwlai w hwnwi sakha.Bisi brum brum bo mwikwthwng khaithani jwngjal nukjakmanikhe watwi tei twi kwrwini bagwi nw hwnwi sakha.Aboni bagwi nw borokni a kheto area o belaikhe water pump machine sorkar ni bwkhaktwi achokronani nangwi tongo hwnwi sakha tang twi chajanai takhuk.Bisi brwng fertilizer eba sar free rojgwi tongmani sorkarni bwkhaktwi tabokhe abo mwthagwi rojakkha hwnwi chwng saimankha takhuk Bitish Jamatia ni bisingtwi.Tei aro kheto drun drun Kani Kani hukbar khaijakya khlaiwi kwbangma aro areani khetorok cherjakya jaikhaijakya wngwi thangbaikha.
Chini Tripura Haa o aswkhe omotahaikhe nukjakha je tang twi chanai tei hukbar khainai rokni bisingo Soman jaga(plane land) ni Sai Hathai Jagano(hill land) Tripurirog hamjak kukmani nukjakkha.Soman jaga hikhe jwnjal thakya khe nukjagw kwbang kuk khlaiwi aborog nukjakmani khe- watwi jorakhe mwikwthwng watwi kubangkuk phaikhelai lomwi Pai w haiyakheba tungmari kwbangbai khaijak mwikwthwng hamya nosto wngwi thangw.Aboni bagwinw Hathai jaga hikhe Soman Jagani hai aswk jwngjal rok nujakya hwnwi sakha hukbar khaijanai chini takhuk.
Tabokni jorakhe belai yagu damrog Barewi phaimabai kwrwi twitwi hukbar khainairog belai dukhu kostokhe nukjagw chini Tripura haste o.Aboni bagwi kheto,hukbar khainai kwrwiroknw kwrwirognw kwbang nukjagw.Chwng chini Tripura haste o bo hainw kubun hasteni hai rangpwicha gwnangrognw khwlai mankhe chini Tripura Haa o bo hainw hukbar khainairok Teisa bwskang swkangwi thanganw ang kha o wansugo.
O kokbwkhal swnamjakha Adivasi Awaaz projectni bwkhaktwi, Misereor tei Prayog Samaj Sevi mothani chubamungbai.
コメント