Ang tini norok no ani kami o belai khaino twini jwngjal wng tong ma rok no sai khna rinai.tai chwng watwi ni jorao khai watwi ni twi no bahaikhe khati oi narak lai abo bo sai khana rinai.
Chwng watwi ni twi no jaani jaani nok ni nukhung twi kwlai mano waa khok haiyakhe teen ni tuli hinjagu aboni mung abohai rok bai yachagwi narak laio manwi kotor kotoro haiyakhe sintex, draam,twi ni tengki rogo.nok bwskang ni twikaro yachagwi narak laio. Abohaikheno kwbang kwbang watwi rok phai phuru khai kotor kotor manwio twi supungwi narak laio chwng. Abohaikheno twi rok supungwi narak lai oi aroni twi bai maimui songu twi nwngu tai tuku laio. Tai watwini twi narakmani abo paithang khai chini kaami ni kuwa chikon sa tongu haiyakhe twi tukumani baan tongu aro ni twino ma khok laio tai arono ma tuku laio. Chini kaami ni kuwa tai twi tukujak nai baan hapung tola ni twi bo belai khaino twi sitra tai harpek mang.
Aroni twi sitra rokno cherai khonai rok ma nwngkhai kuchuk haichuk wngu tai sago bothrai rok bo thaijagu. Belai khaino twini biyalo kwlaijak chini kaami ni lukurok. Hapung kuchuk kuchuk go nok thai aboni bagwi nok ganao kuwa khur phano tai koil kai phano twi phaiya hapung kuchukni bagwi. Twi ni kuno sep sap kwrwi kaamio haphang swlaijagwi kwtal phaiyo thangu haiphano kebo chernai kwrwi kaham hamya kaami ni. Lukurok Application kaami ni neta rokno yaphar phano rinai rinai hinwi ulo khai jaikhaiya wngwi thangu. 25 years kai thangkha twini jwngjalo kwlaijak o kaami ni lukurok.
Kubun Article: Tiprasa amchaio Twini jwngjal tabokniya
Watwi ni twi no kwbangma saal balogwi khati lai toni manya tamoni hinmale watwi ni twi no balogwi tonikhai chikon chikon yong kwlai thangu. Salbwrwi salba ni bara tai naragwi toni manya balok rwrwk yong kwlai rwrwk wng thangu twi.
Sachwlang ni jorao si chwng abohaikhe watwi phaikhe rok kisa misa twi no khati oi naragwi manu tai chikonsa kuwa ni twi bo manthogu aphuru. Masing ni saal sokphaikhe watwi bo pairwrwk tai kuwa thung baan thung aroni twi rokbo ranrwrwk wng thangu aphuru khai taibo jwngjalo kwlai laiyo kaami ni lukurok.
Kaami ni khoronwi khoroktham lukurok nobo thaisa thainwi kok swng mani borok sakha je twi si chwng no mwthang nai chini jibon. Twi kaham ma nwngya khai chini sak rok taibo bemar kwlai nai.Saalbwswk amtwi khai watwi ni twi no naragwi chwng cholinai abo bo sachwlangni jora phuru simisi masing ni saal phuru khai twi seklai si ma nwnglai ma hai kwlaiyo.
Chini tiprasa rok amtwi khai watwi ni twi no khati lai narak laina kwrwng wngwisi kisa misa phano cholilai manu.abohaikhe mangno chwng agini din ni simi no jaani jaani nogo watwi ni twi khatilai narak laio.
Watwi ni twi no chwng phatsa muthungya oi direct nwng lai mani abo chaya kwlaiyo, tamoni hinke chini nok ni nukhungole hadwlwi,jabra bobra,bolong ni tok rokbo nukhung sakao kasai khi oi kwlangu hinke aboni bagwi chwng watwi ni twi no muthungwi nwnglaikhe chao.
Paithago lukurok no ani kok kwchar mung wngkha watwi ni twi no yachagwi narak lai phano twi kutung muthungwi nwng laidi. Chamung nwngmung kaham chakhai si nwngkhaisi chini saak rok kwsrang tong nani. Bemar ni bo hakchal wngnani. Chini saak no kaham toni khaisi chwng tong thok chathok swrangwi tangwi chalai mannai.
"O kokbwkhal swnamjakha Adivasi Awaaz projectni bwkhaktwi, Misereor tei Prayog Samaj Sevi mothani chubamungbai"