Tiprasa kaami rogo belai khe no twi ni jwngjalo kwlaijak lukurok. Ang tini kaisa kamio thang mani aa kaami ni mung wng kha Lalcharra Dhalai Tripura. Aro tiprasa rok mang no 150 family rok wnganw,hinke aa kaamio lukurok ni nok thai nok bo jotono hapung kuchuk kuchuk sakao mang.
Ang khoroksa bukhukjwk bai koklam salaikha bini mung khai Supriya Debbarma.
Bongni jwngjal wngkha twi,twi ni bagwi kebo chubanai kwrwi khu tabuk swk jora,
Hapung tolao baan kotor kotor kainwi tongu tai aboni logio kuwa chikonsa khurjak, kuwani twi no khai nwng laiyo tai baan ni twi bai khai tuku laiyo, Ban ni twi bai tuku laikhe sago bothrai rok thaijagu tai jora jora lum laiyo kuchuk haichuk wngjagu parani cherai rok,Tamoni hinmale aroni twi rok aswk khai sitra rumu aboni bagwi,Baan ni twi bai tubo tuku laiyo ri rok bo sulaiyo tai maitwk muitwk mairang lota hu laiyo tai aroni twi baino kaamio cherai bwsa rok achai khaibo arono khichumu rok sulaiyo, Tai musuk rok nobo tuku rio arono,Watwini jorao khai hapung sakani twi sitra bo kochogwi phai baiyo baan ni twi bai sapul jak phaiyo.
Belai khaino twi sitra, Kami ni lukurok sago bemar wng phlaima kak phlaiya sal brum no abohai kaisa ya khaisa bemar wngphlai mang tongu. Tai sal bwswk abohaikhe mang sak ni bemar bo kakphaliya tai twi ni jwngjal bo kak kakphlaiya khlai mang tong sinai tiprasa rok ni kaami rogo.
Tai 10 year wngkha borok aa kuwa chikonsa ni twi khogwi nwnglai mani,
Watwi ni jorawo khai kuwani kwnaro chikonsa kaisa twisa tongu aa twisani twi torwi kuwa bisingo habwi thang baiyo, Kuwa ni twi ma nwngya rok ma tong laiyo, Aphuru khai parani lukurok watwini twi no jaani jaani nok nukhungni yachagwi nwng laiyo haiya khai baan ni twi sitra no ma nwng laiyo ri bai saki lai oi.
Hapung tolani baano tai kuwa thang nani cherai khonai rokno buma bupha song bamwi hapung kuchuk kuchukno ongkhoru waisa kasao waisa khai him nani belaino kosto, Tai bura bwrwichwk rokbo latha sung sungwi makhogwi ma phaiyo twi tuku na khokna bagwi, Watwi ni jorao khai taibo kosto lama rimi mani bagwi.
Kubun Article: Lukurogni bagui mung kahambai sinijaknai hoijak khoroksa Tiprasani sinimung (Spiritual master)
Masing sal ni jorao khai kuwa tai baan ni twi ranwi thangu aphuru taibo kaami ni lukurok twi ni bagwi belaino kosto khai ma tongu, Abohaikhe mang tai salbwswk twini bagwi jwngjalo kwlai tongsinai kaamini lukurok ni swngmung o kok,
Twi simi phano manthok khai hamkhamu
Kamini neta rokno sasini sai bo khuk si ruwai sio haiphano twini jwngjal le kaklang liya.
Neta rokni nogo khai twi tisajak nai motor kotor kotor kaijak twini kuno kosto kwrwi,
Kaami ni lukurok no khai twini kuno bebosta khai rima kwrwi tabukswk jora, Paithago o bukhukjwk kubuni lukurok no kok kwcharkha twi sitra rok ta nwnglai baidi sago bemar kwlai bainaisi,bemar ni sak katina naibaidi.
"O kokbwkhal swnamjakha Adivasi Awaaz projectni bwkhaktwi,MisereorteiPrayogSamaj Sevi mothani chubamungbai."