top of page

Tripura ni Short film tabok kwrwngkha Hayungbai

Tripura Haste ungkha Laibuma rwkjak haste - Hukumu Mukumu gwdaljak haste. Tripura hasteni aghini siminw Bharat hakotorni mwng swnam thangjak kwbangma borok tongw rwchwmwng, Khamtam thani rogo. Omo haikhe nw tabok bwsa toke haiya khe ba short film bai mwng swnamna chengkha Tripura Tiprasa short film mwng ungkha “ Sumui ni khorang” bono swnam Kha Tripura khoroksa Independence film maker bw sak baithangnw kokthoma swikha tei Direction bw rokha tei sakno rang bw swbaikha bw. Puila ni samwngw nw Hayungw mwngswnamna chengkga khoroksa Tiprasa Sikla Jacob Tripura. Omo nw boni puila short film bw kami kokthoma nw tisawi phunukha “Silent Film” bising twi.


Sumui ni khorang swnam phro kaisa Group photo tisa laima mangphli. Ora tongo Director, cinematographer tei artist rok.
Sumuini khorang Short film swnam phroni mangphli, Jacob Tripura ungkha Lota twijak.

Jacob Tripura sakha, bo boni dol DOP Khapang Tripura bai gwdalwi kaisa “Short film” khailaikha shorth film phiyok jakma yakulo borog kwbang short film festival bataimwngw gwdal laikha. Borog batai mani yakulo kaidok (6) thai borok borogni gosemwng yachak jakha. Jacob tei bw sakha bw boni team ni bangwi omo kotor samwngnw chasarowi manu Hinwi.


Tangwi Short film mwng “Sumui ni Khorang” ungkha?


Sumui ni khorang kaisa short film, Jacob sakha Sumui khorang Silent film ungphanu bw kaisa Tripura rokni khorangnw sokro na bangwi nw sumui ni khorang hai khunathok haikhe nw chini kokthoma lukiu rogni thani khorang sokrona saktharmwng. Tei bw teibw sakha Film ni title nw Sumui ni khorang bai luku roknw “Expression” romani hinwi.


Borogni Short belai ni bwsa haiyakhe ba kisa 10min bai swnam jak Short film, Jacob Tripura tabokni jorani patewi tongma koktwma roknw tisawi phunukna naikha o film ni bisingtwi. Toke swnamnai phunukna naijakha Tripura ni tiprasa amchani luku rok saknang ya cherjak ya tei luku rokbw aswk nw khasi hinwi. Kami amchai rogo tabok phanu lama hamya, Bekar tei Politics bai jungjal o gwdaljak mangphli nw tisa naijakha.


Tiprasa rok bolongw tongwi saksak nw narwkna bangwi langma nw thangna bangwi bwswk jwngjalno khorogw twi ma tong rokno boni toke phunukmari phunukna naijakha.





Tangwi Toke nw Silent Film bai swnamjakha?


Swnamnai sakha borog puila borogni sumui ni khorang toke nw chongjakya Silent film bai swnamnai Hinwi. Sanamnai sakha borogni kami Artist rok professional ya ni bangwi bw borogno kisa misa acting khaina bangwi siminw sakha. Abono karwi bw borog Dialogue rok bw aswk kaham khe sawi manjaya hinwi nw omo haikhe borog swnam o toke nw.


Swnamnai sakha - bo bw Silent bai phanu saknu swnam manw hinwi phunukna tei Artist rokno naharwi bw omo haikhe nw khaisinai Hinwi yapri naharkha.


O toke swnam thanio bomo hai swrwngmankha?


Jacob Tripura sajakha, bw boni puila toke baino belaino swrwng mankha hinwi - tei bwi bai kwthalaiwi swnam bai boni DOP Khapang Tripura ni thani bw belai nw swrwngmwng mankha hinwi. Bw tei bw sakha bw o toke swnam thani “Cast and Crew” twidwlna swrwngmwng mankha, bw sakha bw puila puila ni bangwi borogno twidulna belaino nw kwrak jora tongmani. Twidulna kwtal jorani bangwi nw boni nangma sai bara rangmari swbaina nangkha.


Bw Short film swnam thanini bisingtwi “Management” Khaloknani tei jora gothokya roknw methep nani bw swrwngmwng yachak kha. Tei Rang kisa baino bahai khe toke nw pairo wani bw srwngmwng mnkha.


Bw Thaio Toke nw swnam jakha?


Borog o Toke Hathai kotor o shooting khailaikha tei khamthingbari tei kwbangkwk shootingnw sakni kami amchai korbok o nw swnam laikha borog. Kami amchaio omo hai samwng khainai belai nw jwngjal puila samwng khaiwani thangthanio amchaini luku rok bai belai khabwthar jagw o tei bw kebengmwng kokthai rok khunana nangw omo haikhe nw Jacob Tripura Kha ragwi saksaknw khano Kwrak khaiwi nw swnam chengkha.


Puila kebo phanw bono puitu chaya tei borog haino Short film khalaio hinwi mangnw chonglaio kebo phanu chong ya o short film aswk kwswk kawi thangnai Hinwi. Borog Nayok phanu chongya o short film bwswk kwchwk thai tulangwi thangnai hinwi. Puilao dol bisingw nw Silent film khaima bangwi chajak ya tei jotonw chonglai mani salnwi saltham bai nw paiwi thangnai hinwi. Phiya rang puisa jwngjalni bangwi borogni toke shooting belaino lerwi thangkha.


Paithak o Jacob ni twidulma baino boni team kha rowi samwng tangbai mabaino o toke nw paiyasakno kwrwngwi tongwi chasarowi tisakha. O shooting khaithani puila puila samwngnw swrwngna bangwi chenglai bangwi nw ungma sai bara rangmari swbwi jagwi thangkha swnam naini, Bwini eyangni no wanswgwi naikhe o rangmari rok kisa nw phiya Tripura haste chikon toke bangwi hinkhe Belaini rangmari kotor hinwi sakha swnamnai Jacob, Bebagwi rangmari thangkha 60k hai.


Swnamnai tei bw sakha Artist rok Unprofessional ni bangwi borog nw kwbang kwbang khaiwi yaphang ni siminw kaham sana nangw hinwi. Bw tei bw sakha Professional bai hinkhe Direction ronai bw aswk samwng kwrwk khaina nanglak hinwi.


Borog low budget film swnam thanio belaino samwng jwngjal achaiwi phaio- borog Drone rok nahar manya ni bangwi “Fish eye views” naharna bangwi borog kaisa kolokma waban wa bai kwchwkma yakhli swnamwi rok shoot naharma nwk jakha. Borog bolangw shooting khaima bangwi Hachwk Hathai rogo thangna nangkha tei belaino tekto manbaikha jotono.


Jocob Tripura aghini simino Film festival rogo bataina mwchwk jakma bai nw tabok boni swnamjak short film nw bw Bharat hakotorni Film festival ungthaio kaisini (7) thai thangwi sogwi laikha. 7 film festival ni bisingw 6 thai borok yachakjakha tei kaisa film festival o borog tibo kwplai ungkha. Borog chongo ora kwplai ungmani belai kotor achievement nw mankha hinwi hajar hajar film ni bisingw borogni film nw kwplai swnam kha, Tei Tripura hasteni ungwinai Low Budget film ni bisingw. Tei bw borog omo hai samwng tangna khathangsawi phaikha.


Film Festival o Bataina bangwi tamo khaiwa nang?


Film festival Bataina bangwi podrepor tongw baksa rangbai baksa free bai ,Sakni content nw naharwi nw film festival o ma bataio. Dharma de, Horror de na Comedy bomo hai content naharwi nw ma baitaio. Bw Thaio batainai bono harawi nw sakni content naharwi nw bw bataikha Film festivalo. Filmmaker rok hinkhe waisale Festival thangwani nangw -omo hai bataimwng sakni samwng hwmwngnw teibw khathangsa rao tei sakni samwng hwmwngw booromni bisingtwi sinimwngmanu. Omo haikhe Northeast ni Asaam hasteni film maker rokbw kwbangma Thaio Film Festival hai rogo bataiwi Tongw. Jacob Tripura bw film making course khai phro nw film festivalni bangwi sawi mankha. Abono karwi Film festival kwplai ungkha hinkhe sakat tei kisa misa rangmari tei Certification bw yaphar jagw. Film festival Batai wani mwchwk kwbangma lama tongw haiya kheba website tongw ora register ma khaio, abono karwi bw Kaisa kwlwi lama ungkha filmfreeway.com account swnamwi nai bataimwng rahorwi manu.


Omo haikhe nw Tripurani hwijak Talent twlwk twlwk Hayungw simi yachakna okharwi tongw. Jacob Tripura puila boni toke bai aswk mwng swnamkha phainai jorao tei bw swnamna yapri naharwi tongw. Sumuini khorang swnam mani yakulo haino hai swkalni toke bw swnam phikha. Saktharmung tei bw khaswrang jak thinangni bangwi.



"O kokbwkhal swnamjakha Adivasi Awaaz projectni bwkhaktwi, Misereor tei Prayog Samaj Sevi mothani chubamungbai"






Comments


bottom of page