Takwlaini ADC election tini ni saalo khwlaijakkha. Para parawo no booths swnamjakkha tei voting wnkha. Kwbangma hapharo no kaham kwrwng khe no election wngkha tei kaisa kuisu jagao khe walai toglai wngmani bo khwnajakkha.
ADC haiyakhe Autonomous District Council swnamjakkha hasteowo tongnai borok rogni kahamkwrwngni bagwi. Ebo 1979 o swnamjakmani. ADC ni bagwi 28-khan borok khe elect khaijago tei kwnwi borok (2 people) khe nominate wngwi phaiwo. O Council ni naikari khainai wngkha Council ni Chairman tei bini logi samung khainai 9-jona bodol. O bosor o kwbangma no party rok election o bacha laikha. Sabo kwplai wngno aabo chwng siwano April 10th o.
O bisi ni election o Greater Tipraland ni sanlaimung nukjakkha. Nainaikhe, kainui kotor party ni bisingo no contest. Kaisa khe BJP bai kwrwnglaijaak IPFT tei kaisa khe TIPRA motha. TIPRA mothao khe kwbangma party thansa wnglaiwui election bachalaimani. Bachanairok muchugo jotto bukung bara song thansa khe Greater Tipraland sanlainani eba election no paiwui aa sangmwg no Central Government ni aaro tilang thangnani. Mayung Twisa Para ni Ninisa Jamatia sawo je o demand belai khe samung nango Borok motha no sakawo tisanani bagui.
O electiono BJP tei Congress, kwnwi party no manifesto karwilaikha. Congress ke sakha borok ADC no teibo kwraak khainai tei bini budget no bangrinai. BJP ni manifesto-o khe borok kok rikha, borok election kwplai wngkhe Tipra Territorial Council swnamnai eba 20-khan hamkrai kaami (model villages) swnaamnai.
Aani para wngkha Ranga Pani, Dhalai District o. Oro khe jotto voting no kwchang kwchang khe no wngkha. Oro tongnairok muchungo je parawo school, tei hospital kaham manthung hinoi.
Tripurao baaksa borok khe IPFT no chajago, tei baaksa khe TIPRA Motha no. TIPRA Motha no naikolnai khe Tripurani Maharaja Pradyot Kishore Manikya. Bini ringma bai no INPT tei TPFT thansa wnglaikha.
Kwnwi party ni bisingo election ni swkang bulaimani toglaimani rok kok khwnakha eba new o bo phaikha. Dopha thansa twtwi kok thansa kwrwi Tripurasa rok hinwi sajakgo. Aboni bagwi no taibo kwlai manjak sio kubuni dophani borok rok chini Tripurasa rok no.
Ang thaisa kok kwcharna muchungu joto no. Walai, toklai, bulai rok wng laiya oi kubuni dopha tamo chini dopha chwng hao achai faika hinkhe thansa khe no ma tong lai nai blei. Chwng chikon borok rok bulai toklai khlai oi tamo maannai. Aboba saak saak no taibo se tongna haa kesep rima hai kwlaiyo. Saak saak tong thai haa si hinke tamoni le manya wng naba. Joliya oi swkang thansa wngbaidi.
O kokbwkhal swnamjakha Adivasi Awaaz projectni bwkhaktwi, Misereor tei Prayog Samaj Sevi mothani chubamungbai.