Chini hayungo plastic no jotto samungo phwnango. Aaboni bagwi belai khe no pollution wngo. Chini twima twisa rogo plastic ni bag tei bottle khibijaago, aabohaikhe chini twi hamya wngo. Jora tongtwtwi no chwng lama ma naitugnai bahaikhe chwng chini hayungno kahamkhe narugoi maano. Kwbangma lama bisingo kaisa lama wngkha je chwng plastic no yakarui waa bai swnamjak bottle no samungo phwnangnani. Aang, Aldrin Debbarma, amohai khe bottle swnaamo, tei tini aang nirokno bo phwrwngano bahaikhe nirokbo waa ni bottle swnaam mano.
Swkang puila wng kha waa ni bottle swnam na hinke waa raajaak wng na nang nai. Aabo ni bagwi waa bisiba ni sai bura wngna naangnai. Maamblaisai kaham quality ni bottle swnamna himkhe kata borak waa naangnai. Tai kubuni waa bai bo swnam manu jemon waa soor bai haifano bisi aa waa ni hinke aswk naithok glak tai bisi tiki glak, Aboni ulo bo waa rog no bo twi kutung khai aro bithi rog rina nang nai. Aboni bagwi no ang khai borak waa bai swnam nai tai ang swnam maa waa hinke 20 year waa rajak bai.
Hinkhe, aang waa bolongo thangwo waa raai tubukha. Aboni ulo ang bottle ni maap nai bara bara khlai ulo khe smocke khai ka. O smocke 3 weeks nangu smocke khainani bagwi. Waa bisingo bo kaham khai smocke maa khaiyo tamoni hinke waa ni twi tong maa bagwi kaham khai maa fwranu tai waa bo kwrak wngu aboni bagwi aswk din nangu smocke khlai nani. Tai wao bo bakumai perya tai waa bo color naithok wngwi fai nai milik bo wngwi naithok wng tong nai.
Aboni ulo wani bisingo je botol danai jemon steel ni bottle fano tai kubuni copper, fano tai flax bottle fano je saakni muchukmwng abo bai swnam mano. Haifano ang khai steel bai swnam nai. Aboni ulo wano bottle ni maap maa naha nai pencil bai khai daak rigwi. Aboni ulo khai waa bisingo khurnai ulo khai machine o waa ni bukur khuk nai naithok khlai tai bottle ni bwklap ni bagwi bo je waa rai ton mano bo machine o khugwi naha nai.
Aboni ulo waa bisingo aatha rinai aatha ni mung Araldite. Abono theoi bottle no waa bisingo danai.
Paithaako khe aatha raan nani bagwi saalsa toni na nangu. Aboni ulo wawo kaham khai varnish riwoi (mung hinkhe Glossy & Seler). Abono ribai khai saalthaam jora twi satungo kaham khai fwran na nangu.
Ang bo swkang puila buini thani no o samung no swrwng mani. Afuru o samung no khlai maan glaak na hai maa tong mani. Ulo khe ang khlai te khlai te bwkha bo haab thangkha tai daakti no swrwng bo maan kha o samung no. Aboni yagulo ano jaga jaga phwrwng nani bagwi bo rihin jaak kha. O waa ni bottle swrwngwi aani bwkha belai khe tongthokkha tai ani khabo swrang kha. Tai abo ni bagwi bo ang khoroksa okra no hambai yapharna muchungo tamo hinke bo ano o samung ni lama phunuk maa bagwi. Aa borok ni mung wngkha borom gwnang Mr. Bibuti Debbarma (YFI ni). Aang agi wansuk mani o waa ni bottle swnamwi boro faal nai faalya hinwi tai falwi da man no manya hinwi. Haifano nai male market rogo omohai bottle ni kwbangma demand tongo tai falwi bo maawo. Aang kwbangma orderok bo maankha. Aboni bagwi aang tei kubun borok rog no bo koyo abo hai samung swrwng na bagwi. Hinke aswk jora twi no ani waa ni bottle no twi suimung tai joto no hambai yafaru.
This article is created as a part of the Adivasi Awaaz project, with the support of Misereor and Prayog Samaj Sevi Sanstha.