top of page

Tripurao bw okhar kha Tiprasa Photographer

Tripura hasteo ungkha Bharat hakotor hani chikon haste hinwi sinijagwi tongw. Ora kwbangkwk borok nw tabok phanu hukbar ni bisingtwi nw sakni langma kwrwngwi nukhung khaiwi tongbai jao.Tripura hasteo baniyan nw karwi bw tabok twlwk twlwk digital ni molo phaikha hinwi kwtal kwtal samwng hwmwng rogo kwrwng mani nwkjagwi tongkha. Tabok Tripura haste ni Sikla sikli rok hayung bai kwrwngwi aji mwng ni sep tikhlai na rwngbai kha hasteni sikla sikli rok. Baksa ba Youtuber ungbai kha baksa ba vlogger ungbai kha baksa ba freeluncher ni samwng khaiwi ajina cheng bai kha baksa ba website bai rang ajina chengbai kha. Omo haikhe nw Tripura hasteni sikla professionally Photographer o nw samwng khaiwi sakni hasteo borom manwi tongkha. Tripura hasteo tabok kwbangma nw Photographer haphar kwrwngma nwk jagwi Tripura hasten Sikla rok. Phiya Kwbangma borok nw aswk kwchwk o kama nwk jakya khw -Mwchang Photographer belaino mwng swnwm kha Tripura hasteo. Tripura hasteni kwbangma luku rok nw boni samwngnw nwgwi belaino khathangsama nwk jagwi tonga.



Mwchang Debbarma sakni sinimwng nw Mwchang Photography ni mwngbai sinimwng rowi tongw. Tabok bw kwbangma Model tei Politician rokni samwng bw yachakma nwgwi tongw. Mwchang bw Kokborok Music video hapharo kwrwngjak kwdwkma bisi romwi nw. Mwchang ni swnam jak Hit Hit kokborok video bw chwng naiwi manu youtube hai social media thaio rogo. Kwdwkma sal - kokborok music video bebagwi boni swnamjak 1.2M Views manwi tongw abono karwi bw Nono wansogwi music video 2.5M views rowi tongw tei kaisa Item Girls Music video Mwchang tei Jonijang ni yakbai swnam jak bebagwi 2.8M views rowi tongw. Tripura ni sikla Model rok joto nw Mwchang Photographer bai photo bujakna mwchwk hinwi hasteo kaisa kok kasawi tongkha. Tripura hasteni kwbangma Fashion world mwchwng swnam jak Juhili Debbarma hai rok tei Indian Idol manjak Sourabhee Debbarma ako rok tei rwchapkwrwng hinwi sini jagwi tongnai Parmita Reang ako rok Mwchang Debbarma baima mang mangphli tisama nwk jagwi tongw. Mwchang Debbarma ungkha bw khoroksa Bishalghar amchaini boni swrwngmwng rok ungkha Tripura University Journalism tei Mass Communication o Master Degree nawi pori jak. Bw 2014 bisi ni siminw Photography nw hamjakma bai Class rok nawi swrwng jak Meghalaya hasten Shillong city o tongphro. Tabok ni jora Mwchang belaino luku rok thani boron yachagwi tongkha. Borok nw booking khaina ni belaino hati demand kwbang bai nahar jagwi tongw.


Tripura University JMC ni bisingtwi kaisa kokborok toke swnam thanio bw, Mwchang Camera assistant ungwi samwng tang kha tei Toke o bw kisasa role khaina rok sep mankha. Boni MA paimani yakulo bw boni sak baithangnw kwbangma Video project khaima rok okharma bw nwk jakha. Mwchang Debbarma kok narwk kha boni Photography hinkhe passion tei Education hinkhe alka hinwi sana mwchwk jakha. Swrwng mwng tei Passion thansa khaiwi samwng tangwi mankhe tei bw kwchwgw thangwi manu - Photo kwbangma Angel twi tisa khe tei bw Naithok khaiwi Present haiya kheba Luku rokni bwskangw tonowi manu omo nw naio Mwchang Debbarma. Borok rokni naithokmwng biyang twi naithok omo tahai khe Represnt khaina bangwi nw Mwchang Photography o hapkha tei sakni brand ni mwng bw Mwchang Photography hinwi nw narwk kha. Mwchang abo bw sakha Luku rok Photography khaina bangwi hamjaknai rok bomo haikhe phaiman - Tabok swk jora Tripura hasteo mwng saphanu swnam jak yakhw, Tangwi hinkhe Mwchangbw twlwk twlwk khaite khaite nw tei bw swrwngmwng mankha tei luku rok bai sinimwng manma baino nw kisa masa income source manwi tongw.Tripura ni sikla rok bw kok kwcharkha bw sakni Talent nw focus khaidi tei sakni samwng nw chowi khaina bangwi phiya Education nw bw sakni loge tongrwi nai.


Photography Business o hinkhe Talent si kok sao - nini photo naithokha hinkhe haino se Production House rok booking khainai tei wedding rogo nahar jaknai omo tahai nw Photography ni thinang, NinI eduction rok bw naiglwk bwi. Baksa Photography rok kwbangma lama twi rang aji mwng nwk jagwi tongw - baksa Stock website rogw phalwi baksa ba Social media rogni bisingtwi khaiwi phiya Mwchang ni jotoni sai Income phaimani hinkhe “Fashion Photographer tei Wedding Photographer” bisingtwi. Mwchang tei bw sakha Tripura Wedding Photography jotoni sai najagwi tongw omo kwtal jorani malo Tripura hasteo simi ya Bharat Hakotoro bw omo haikhe nw Luku rokni Demand cholei tongw. Bw khoroksa Photographer ungwi kaisa Brand nw focus khaiya bw bebak Brand nw nawi samwng khaikha Canon, Sony tei Nikon. Mwchang Photograph khaimaniyakulo bw kwbangma Software nw samwngw naharo re-Touching ni bangwi “Lightroom, Adobephotoshop tei bw kwbangma Thirdparty software rok. Mwchang tei bw sakha Tripura hasteo tabok bw Photography rok mwngsa Motha kwrwi kho haiya kheba Association kwrwi Tiprasa rogni bisingw. Ora kwbangma jwngjal nwk jagwi tong khw khoroksa Photographer tei khoroksa Photographer ni bisingw. Mwngsa kokmalam rok malaiya ni bangwi nai Khoroksa kisa rang bai samwng yachagw tei khoroksa kwbang bai omo haikhe nw jwngjal nwk jagwi tongw - jw kwtal phainai rok Unified Payment khaiwa ni bangwi. Aboni karwi bw je kwtal Start-up rok borok saknw daity ajimwng naharna bangwi belai kisa bai Client ni kok yachagwi naharma bai je kotor kotor Photographer rogni jwngjal achaiwi thangw Unified Payment kwrwi ni bangwi Competition ungwi thangw.


Mwchang Photography nw teibw kwchwgw twlang thangna mwchwk jagw - Tripura hasteo tabok bw kwbangma bwsa bwsa Studio tongw phiya bw tei bw kotor kaham Studio swnamna mwchwk jagw. Tangwi hinkhe boni thani Studio kotor tei Advance level ni kwrwi ungma bai kwbangma project nw sakni yakni rohorna nangkha. Tei bw bw Tripura kaisa Association swnam na mwchwk jagw.







Opmerkingen


bottom of page