Takarjala amchaini Haria kwbra kami o tongkosong tongnai lukurogni bagwi Thai tongmani kaham Thai bolong bwlwngno bolong swbaiwi rubber buphang kaijak tongmani tei rubber bwtwi manya sanino norna kwlai thango kha 13 family eba kaichitham nukhungni borokrog bebakgwi 70 kani ni thaio official latter khiklairwjakha School kwtalkhe songsajaknai hinui tei logio sawi rwjakha thai rwnairogno chakri eba sebuk ni sepsap rwnai tei rang mari rinai hinui o kok bwswk jora kubui wngkha tei bwswk jora birman kwlaikha kaichitham nukhungni borokrog,phaidi hinkhe khwnai naidi borogni khuktwino.
30th April ni dipor jora ni talo tamo wngkha, 2017 bisio yakarmani chwng chini takhuk bukhukno kwlaibaio ni hinkhe bebakgwi oro 5 kani tongmani rubber buphang kaijak tei rubber buphang kaimani rubber bwtwi manlia sani Thai norna nangkha Sarkarni school tangna hinui sakwlaimung sokphaimabai.Hinkhe tabok 2023 bisi wngkha school paibaikha tei school cholina nai tongkha hin khwnakha hinkhenu chini o kok rwjak manthai rwnai hinmani boro kwmakha saimanlia,wansokthai kwlaio 7 bisi laikha tabokbo mungsa bo sep manlia ani bwsakabo chakri rwnai hinmani manlia rwi tei aboni bodla rangni sep bo rwjaklia tabok school cholisinai hinui kok sokphaikha tangwi kwmakha chini manthai tei aswk jora kolokma nasingrwkha umor lamokha aswkde birman manna kwlai kha -Sao Sailendra Debbarma.
Hainohai bukhuk khoroksa Mayarani Debbarma Sao, mokolni mwktwi yorna nangkha school gate khaprena kwlaikha khapre rwibo borog school ni manwi tobowi kholokgwi sitokrwbai teisa tala khapre rwphidi hinsao omohaikhe mang aswk jora wngkha tei aswkda nijini thaini bagwiba lachi sincha khe lukunu bwskango sijakna nangkha chini kwpalba.
Kubun Article: Sukuram Debbarma ni nukhungni kothoma
Cabinet minister Mr.Sukla Charan Noatia sawirwkha kaisa interview o, Takarjala Novodaya School obo all India ni kaisa central government ni study center obono all India government ni monitoring khwlaio. Angbo khoroksa JNV Udaipurni ni student tongmani aboni yagolo khowai JNV o class 11 to 12 Ang thankha. Angbo khoroksa JNV ni student wngwi kaisa alada environment tongo. Internally respect jinis tongo tei jnv ni student joto administration o borogni behavior boinisai juda khe nukjakgo.Tei obo chini bagwi chini society ni bagwi chini State ni bagwi belai great achievement hinui ang wansokgo.Tei Jampuijala tei Takarjala bidhan Sabha area ni bisingo kaisa Takarjala Hatio JNV rwngnok kaham swnamwi tisajakha tei already student tongo kubun thaio aroni borogno tabok Takarjala JNV kwtal rwngnok swnamjakgo tubuna simi tongsio."
Tei jwngjal mungsa tongmani abo wngkha je school tangjakma bebagwi thaio 70 kani thaini bisingo baksa borokrogni manthairog haste haphang rwwi supungma kwrwini bagwi 13nukhung eba kaichitham nukhungni borog rog kha hamya wngwi school gate bwskango phaiwi kok sana nangkha.Tei school swnamjakma ni rang mari barja hinkhe government of India ni bwkhakste ni Mano tei Triprasa nukhung ni manthaini barja le Tripura haste haphang ni yakgo yapharjak.
Phiya o barja manairogni thani mungsa kubui hayakhe bumung jari khwlaijak kagos proved krwini bagwi norjakgwi tongkhwna thanai 5 bisi laithangnai jora rogo hai hinui ang wansokgo.Haiphano jwngjal yakha hinui mano ang sakbaithang o manthai ni barja no tabok naikolna kokrwphikha angbai khaksakhe achukgwi salaikha kaichitham nukhungni borokrogbai kokchap khaimani jotono bujilai tei manai borogni manthai hinui yak kakha.Tei school ni parents rogni twiwi bo wanjakmano tini 1st May 2023 bisini saal mario achukgwi parents meetingo bebak kok salai thani sakha tabok haphangni final declaration rwnani tongkho obo kaisa mankhe joto JNV o rwng swrwng tongnai rog no tobojaksinai.
Paithakgo mankha chini Tiprasarogni manthai hinui sakwlairwkhjakha luku bodol o tei JNV School ni bagwibo wanama jwngjal tei logio Thai rwnai lukurogni mokolni mwktwi kwlaimabo kiphilwi mansoksinai hinui swrai swraikhe sawi rwjakha manthairog daktino mansinai hinui haste haphang ni barjao.
O kokbwkhal swnamjakha Adivasi Awaaz projectni bwkhaktwi, Misereor tei Prayog Samaj Sevi mothani chubamungbai.