Bolongni chamungno chana rwngliada borokrog hayakhe sinibailiana hinui wansokjakgo. Angbo taklai bisi 2023 o nu puila machakha moiphuwa tei sinima bo puila moiphuwa moi hinui moi mungsa tei chawi naibo kothoknu tei chamung kothok bo nango tei kaham chamungbo nango borokrogni bagwino nango joto hayungni samung nangmung achaiphaimani moikwthwng bolong Kotor tei kuthukni naitokgwi tobomani tei Hatio tubui phalmani chini bagwi o 'Moiphuwa' moikwthwng ni bwswk kaham chwng songwi chanai moi borok tei saimanlainai o moiphuwa ni sakhamni kokrog.
Baksa borok paiwi Chaya tongo haiphano naitokgwi chaomankhe mung Bishram Debbarma umor 80 laikha bo sao, kami Kamichang nokthai chamri kaphaima Thai ani oro chini bagwi paiwi chana hinui moikwthwng swnamjak krwi chajaknai tongkhe tabokno rang khibi pailaijao tei tamkhainai manthokliani bagwi Hatio hinkhe boi Hachwk jalai thairogni naitokgwi tubui phalpayo boino nukgo motha chikon chikonsanu 20 takakhe phalo.Angkhe Hatio amoswk thangmanlia umor wngkha hinui haiphano gari kawi mas o waisarog thangjakgo khe aphuru nukgo tei chwngbo chao ani nukhungo angno kwbang moirog songna swrango abo ani logisong bai khoroknwi jono mungsakhe samung baklaiwi samung khailaio bwsarog tongphano chini thokjakmano chwng mungsa khe swkang moiphuwa no chakha berma rwi songwi chama thokmanu machao tei ang hinkhe elengcha bahai no soljakgo o moiphuwa moi no.
Nanigopal Debbarma, kwdwk jora sal tal olo Hatio nukha phalwi tongmani Moiphuwa' o moikwthwng oro kami gana o manthokya bini achaima thai soi hachwk mura thai bolongosi tei agirogo je machajamani tabok nukgui rwkha pai chakha moiphuwa moi sak ni bagwi belai kaham tei chwng kwbang moiborok mangnu songwi chao.
Kubun Article: Tapasi Debbarma Sangeet Natak Akademi ni wngwi Ustad Bismillah Khan Yuba Puraskar manwi mung tisakha
Kaisa nukhungo moiphuwa kaiwi mwthangrwi errwi tonkha Manju Rani Debbarma, Hatio nu manwi tubui kairwkha tei bini errmung loti haikhe errw hao kisisa hakor khwlai phopbwi rwkhenu thangwi erru tei nainaimaba obono takhuk rog bo chao borog bahai jip jip motomjakna Bahai kahamno phayo o moiphuwa ni tei bithi bo hinui sinijakgo tei moikwthwng khwlai songwi chamani amono kaham bithi chwng chakhe bithi moikwthwng nu chana nango tal kolok romwi kaham kwrwng sakham tongnani bagwi.
Tei tamkhe songwi chalai tei bwswk jora thak kaham o moiphuwa?
Banamali, bithi hinui jotono sainumano aboni sai tei tam kaham tei bithi hinkhe jotono chana kirijakgo kirina kunu kwrwi phung rogo chwng mai chakhe aphuru rokgo moiborok chakhe kaham gas rog hamo tei gas hamma simibo mungsaya mokol rogni bagwibo kaham sejna rog hai tei chwngo kaham hinui saimanphano mungsa moi abono mang chawi maya.Tei abono sanai kaham hinkhe sejna,samsota, oswndwi,elengcha obohaino ha bisingni mungsabo khel khayawi peplai phaimani kaham moikwthwng abono chini kamio tongnai borokrogni bagwi chana kaham tei oborogno nu chana nango tei sinima nango."
O moiphuwa chamungno kwbang chanai bwswk tong?
Banamali, ani nukmao chanai kwrwi kwbang tei Hatio wngkhorma bo painai amoswk kwrwi tangwi hinkhe siniyada wngjak eba morok da wngjak saimaya tei motha kaisa 20 khe phalbayo tei painairog hinkhe 10 rogsi rwnai hinbayo tei bini kaham saimanwi phalnairog phalpayo tei boi painairog saimanphano amoswk khel khaya tangwi saimaya.Tei angbo ani nokthai ario kairwkha o moiphuwa no salsa phalna twlangma 20 khe rwmani paijaklia nokgo kiphil tobona nangkha tei lama himwi wansok phaikha chini borokrog kaham no sinina rwngbailia tei balok rw rwk chamung swkang jorani obobo kwmarwrwk tei wansokmungbo juda wngrwkha.
Chini songmung tei chamung kaibwswk tei tamkhe songkha o moino chwng tini naidi
Chini chamung wngkha tini moiborok tei Chao chakhwirog,berma bwrwirog,awanduru rog tei podre podkhenu chalaijao tei soi chamung mung najakma kwbang hinkhe moiborok chini borok chai moi borok.Tei o moiborok jotoni swlai songna kwlai tei sakni bagwi kaham chamung sinijakgo.Tei tamo nang hinkhe moiborok ni bagwi.
Kaisa dekgo khe swkang moiphuwa, tei som, swtwi, piyajo, moso kwthang, berma amoswkno tei waisa kholopbwi thapa hor mwswngwi boksai rwkhe wainwi kolwi naimabaino kumun lopsa omoswk daktino munui payo.
Sakni bagwi joto moikwthwng nu kaham chwng saimano phiya bolong moikwthwng no khel khainai krwikha hai chwng nukgo.Tei moiphuwa moi chini bagwi kwcham chamung mukumu narwkthai jotono hatio 20 khe phano pawiwi moiborok songwi chawi naidi salsa kothok amoswk tei bahai motom moito pokgwlak te sanai amoda chini sirisiti ni borokrogni chamung hinui.
O kokbwkhal swnamjakha Adivasi Awaaz projectni bwkhaktwi, Misereor tei Prayog Samaj Sevi mothani chubamungbai.