top of page

Sak baithang Organic Cha swnam kha Tripura ni khoroksa Tiprasa


Tripura hasteo Tiprasa rokni Cha kaimwng cha swnamwng rokni kok sana thang khe kwrwi nw hinwi manw chwng. Phiya Tripura hasteni khoroksa Tiprasa sakbaithang bacha thanio yapri sep jak bw. Saknw Cha bwlwng swnam kha saknw dalbidal cha packet bai swnamwi nai hati rogo phalna bw cheng kha Sagar Organic Tea mwngbwi .Tiprasa rogni bisingw bw siminw omo hai Cha swnamwng yapri naharwi tongnai mwng ungkha Rashik Debbarma. Bw sakha kwbangma borok nw Green tea swnam thanio Yellow/korom rang ungjagw phiya boni hinkhe Green colour nw ungw - bw simi nw Tripura penfry bai Green tea swnam nai hinwi.



Rashik Debbarma bw khoroksa kami o tongjanai borok bw boni samwng hwmwng kamio tongwi khaiwi tong jao. Boni kami rok ungkha Kaintakobra Kami Wakhinagar amchai ni. 1998 bisini simi boni o cha bagan nw chengmani Tiprasarogni bisingo obo hai organic cha bagan khwlainai aswk bangthaya. Phiya bini kaisa mwchwkmani bai bw sak baithang bini o cha bwlwbg nw kaiwi tabuk bw organic tea/Cha swnamwi hati rogw bw bwni oh tea phaljagwi tongo.



Rashik Debbarma sakha, bw bwino kisa misa swngw Internet rogo research khai haikheno swrwngmwng mankha. Abono karwi bw bo saltham romwi Assam hasteni dibrugarh o thangwi swrwngwi phaikha. Tabok phanu bw kaham machine paimanjaya khw - kwcham hamthaya machine baino chalok ma tongkhw. Phiya bw rang puisa phaikhe kwtal nanai hinwi sakha. Sakni mwng khe Rashik tangwi Organic tea ni mwng hinkhe Sagar mwng rona nangkha aboni bw koktwma kotor tongw. Rashik Debbarma ni soisoi kami rok ungkha Takarjala amchaini Kulaban phaisingw - bw kami segwi phaikha Kaintakobra o, O kami amchaini borog rok bono belai khe no malawi tongbaio, tangwi hinkhe amchaini luku rok boni thani motivation haiya khe samwng hwmwng kwrwng tei podrepor samwng kwrwng hinwi no bono khabaino borom yaphar baio.Bw Cha bwlung swnamwi kwbwngma luku roknw mwthangkha hinwi bw khathangsa laijak luku rok. Rashik nw amchaini borok rok boni mwng kaham khe saimanya phanu bono mwng phar laina chengkha borok Bidya Sagar hinwi, Aboni ora aswk khe swmwng tongw - Bidhya sagar haikhe tongw hinwi. Salsa Rashik Debbarma nw kwmwi kwlainai chengra khaiwi sawi khuna rokha kwmwi nono ba luku rok Bidhya Sagar hinwi si mwng pharwi tongbai kha hible hinw. Rashik bw omo haikheno o mwng none luku rok chajak kha hinkhe ang o mwng baino Organic cha ni mwng pharsinai hinwi. Bidhya Sagar mwng logo hinwi no bw Sagar mwng simi nw naharkha.



Boni o Sagar Organic Tea International organic brand ni certificate bw manjak - Onecert ni. Phiya o license nana bangwi bisi bwrwngnw 25,000 rangmari khaiwinai manao. Salsa sak bw hamya jora phaikha bwsa bwtwino bw Tripura hasteni phataro swrwng tongnao rogno phwrwngna rang rohor nang tongkha, abohai jorao eyang Onecert license bw Valid paima jora phai tongkha, phiya bw sakni nukhungni jwngjalno ma mwthagra kha. Aboni bangwi bisisa ni jwngjal o kwlai kha Rakshik. Tabok swk jora bisitham ungkha Onecert license manmani. Bisitham ungkheni hati o phalnani sep rojagw- 2019 nisimi chengmani 2022 ungkha ba tabok hayung gwnagwi hatio phalwi tongw.



Bw bwni sakbaithanag cha kaiwi bini muchungma baino tabuk bo bini charokno hati rogobo phaljak tongo. Bini cha packet ni mwn sagar organic tea. Bwni oh chabagano khorokba haiyakheba khorokbwrwi workers rogno twiwi bini oh chabagano cha kholjagwi tongo.


Rashik Debbarma sakha,Puila cha bwlaino kholo aboni yagulo cha bwlairogno penfry hayakheba yoksanani nango yoksamni yagulo cha bwlairokno kahamkhe rolling khwlaina nango rolling khwlaimani yagulo kaisa netto khwlaiwi dryer bisingo dao oboni yagulo oh cha bwlaino kaisa neto khwlaiwi oh cha bwlai haiyakheba baling riwi phwranwi rio.



1 Ghanta haiyakheba 2 ghanta jora nawi oh cha bwlaino dryer dawi ma tongw. Bo bini sak baithang swnam jak cha bini oro kaiba haiyakheba 4 type ni cha swnamjak tongo.


Green tea, yellow tea, orthodox tea, tei white tea bo swnam jak tongo.bini oh cha packet rog Agulini borokmart ,Adc dukmali bazar , Cornal chowhumani, khadanti mart,kwbangma obo hai markets rogono manthogwi tongo. Tei bo bini oh charokno Agulini expo Ter hai rogobo bo phaljagwi tongo. Tripura hasteo obo hai organic tea swnam nai chwng bisi nukthaya phiya tabuk chwng nugwi mankha khoroksa tiprasa bobai sak baithang swnamjak oh organic tea.


2019 bisini simi bini oh organic tea swnam manino lukurog twrwk twrwk sinijagwi phaio.tripura oh bono tiprasarokni bisingo orthodox tea swnam nai hinwi mano. Tripurao orthodox tea tamono hin obo lukurog bisi saimanyano tongo. Phiyaba bini oh orthodox tea kainwi quality tongo kaisa wngkhe deep orthodox teikaisa wngkhe light orthodox tea. Bini oh organic cha bagano bo mungsa chemical manwi riyawi luku rogni ora khan nani chaitogw Rashik, bini chabagano bo oh cha buphango miski rog rio tei oh cha bwlai rogo nim bwlai no rugwi oh cha bwlai rogo spay eba sarwirio.oh orthodox ni dam wngkha kaisa 1500 tei kaisa wngkhe 3000 khe hatio phaljak tongo. Bo oh chabagan no khainani swkang bo phalnok haiyakheba dugan rok riwi tong mani bo cherai phangsini simino oho bai cha baganrog khwlainani muchungmani phiya bo tabuk bini muchungmano kubui khwlaiwi phunukha.


Omo haikhe nw khao kwbwi kwbwi nw mwchwkmwng kwbwi tongkhe Tripura hasteni joto luku rognw mwkthang swnam manu hinwi phunukmari phunugwi rokha Rashik Debbarma.



"O kokbwkhal swnamjakha Adivasi Awaaz projectni bwkhaktwi, Misereor tei Prayog Samaj Sevi mothani chubamungbai"



Comments


bottom of page