Molbrum brum o nu kwtal bisi lamsokjago tei bebakgwi 12 mas bai kitingwi molbrumni bisi wngjao.Tei paithak 12 mas ni yagolo hinkhe kwtal bisi phirokgwi phaipiru. Tei o bebakgwi 12 mas o 12 amabosya hinui bo calendar o swijak tongo tei kaisa kaisani palaijakma jora kokrog bo juda juda saimano tei o hayakhe calendar oro amabosya Bangla kokbai swijak haiphano chini tiprasa rog bo haino amabosya no kitingui sirwkgwi tongo tei 12 mas amabosya ni bisingo Kotor amabosya bo hinma tongo abo wngkha Badra mas ni amabosya tei obo molbrumni bebakgwi 12 mas ni bisingo 9 mas o khobjakgo tei paithak bisini bagwi 3 mas tongma oro 3 bar amabosya swijak tongrwk tongo.Chwng tini o Kotor amabosya hayakhe o Badra mas o Tal ni awang tangui chalaija chini tiprasa rog bo abono chwng saimanlainai.
Mahabharatni jora o kubui kokthai bai kaisa sakwlaimung swraimung rwi rwjak kok tongrwkgo abo soi kok bwswk jora,"Hor hori Bishinu sawi kwlnangjak hai hinui joto bis Badra mas ni amabosya o twlangjaknai hinui.Tei kaisa swraimung hayakhe srab hinkhe Bhim tei Drupati ramani je borok pancha pandab ni bihik hinui sinijaknai Drupati Tei Bhim khoroknwi ni kaisa mili tongphuru nokni dogolam o juta rwi kwlangmano swirog warwi twlangui borwi rwjakmabai Arjun wngkha Bhim ni buphayung bo dogolamo juta Bhimni kwrwi nukgui habui rwijakmabai jolijakgwi tei lachimung manwi Bhim tei Drupati juta dogolamni juta norwi twlangnai sabo hinkhe nukha swi rog warwi twlangjak seklai tongthoklai thwnglaijak obohai nukgui Bhim tei Drupati srab rwkha angle horosi khoroknwi kaisa wngma jora tei khoroksa ni mokolo lachi sincha wngna nangkha anghaikhe nu 'nungbo salo nukjakna wngthung khoroknwi kaisa wngma jorao' hai hinui o swraimung nangma nukjakgo tabokni o mol brumni jora o."sao Saranjit Debbarma Kami Latiachora umor 47.
kothoma kubui hinui tal ni awang chalaima tal jorani o kubui kokrog bwswk jora luku saiman,"chini borok rog jara hindu dhormo o bakhlai tongjak borokrog saimano tei baksa hinkhe Tal ni awangno ahaino chana muchunguirog khwlai chao tangui hinkhe tal bwthai bisio waisasi mano ba tei Badra mas o nu munui kwraio. Kubui kokthairog hinkhe obono soi simung kwlaio Talni awang chanani jora Badra mas ni amabosya o chakhe kaham bowa ni bis joto khibi jakgo hinjakgo tei kwmal manwi hinkhe horo moisongui mai chana nango hinjakgo.
Kubun Article: Bolongni chamuang bwthai - bono chwng bwswk sithai
Kwcham molbrum ni borokrog chwnghai Dhorma Hindu o nu tongui tongnairog hinkhe joto kothoma kubui saimanrwkgui nw tabokbo tongkho tei chalai baksa malaikhe joto kokkwchamrogno salaitwino o kubui kothomano bo moito khulai tongo tei salaijao tei chini tiprasa rogni palaimani tal oborogno twi dultwino o Amabosya ni tal no rwgwi bo twiwi chamungrog songui chalaijai tei bisi kwtal phaipisinai jora kasurwkha hinui o khakchangma mano."Sao Manju Debbarma umor 53.
Tal ni awang chana nango tei chanani awang hinkhe saimankha kaham jora hinui chao tei molbrum ni paithak jora ni badra mas ni Kotor amabosya hinui bo poito chao tei kubui kothomani kaham jora no moito khulai bo chao hinui borokrogni puito chama tongo.Chini tiprasa bosongni bagui Hindu bosongo gwdalma logio joto bebak bwkhaktwino manilaima tei palailaima nukjakgo.