top of page

Tokharum bubar bai bo bemar no Kasujagwi manu

Kami amchaini luku hamkwraini bagui bolong bai haphung hathai tei hachwk rogo tongnai buphang waphangno kwrwngwi tongnai borokrog wngkha chini Tiprasarogni kubui sinimung. Kwbangma dalbidal chamung manthoktwi teibo manthokgo bithi bwrai ni samung nangmabo manthokgo chini hachwk bai kwrwngwi tongjak amchai rogo. Abohaino kaisa buphang bubar aboni mung "Tokharum bubar" bini samung nangma wngkha 'Liver' hamya wngui thangna swkang kasujakgo hinui saimano tei obo belaino nangkukma kaham hinui amswk bororog ni mokolo kwlaima nukjakyakho hinui mano.Tei obo bwswk joratwi lukurogni bwskango kaham nukjakgui tong eba nukjakha abono sukrubwi saimana chaitoklainai.



Naresh Debbarma sakha Chini kami amchaio tongnai borok bosongo chama nwngmarog, samung tangui chanai borok rog ni bisingo tonguino tongo.Tei aboni bisingo chini Tiprasarogni palaijakma kwbangngma panda manjakmarogo abo 'Chuwak' mungui kaisa abono lukurogni thani joto o khobwi kwrwngwi rwjakma agini simino tongui tongo.Tabok kaisa kokbai sana thangkhe chini Tipra bosongo 'Chuwak' kaisa belaino nangkukgo hinmano, phiya abo chuwak nungui borok rog ni bisingo belai khe lommwi nwngma nukjakhe chini sakni bagui hamya nukjakgo. O chuwak nungmani ang nijini sakno kisa hamya wngkha tabok ani umor 50 laikha tei tabok ani sakni hamya ang nukjagui tei saimanwi tongkha. Dr. naijakna ni chwmg aswk thangjakya o kami amchai tongnai chini takhuk bukhuk rogni khukgo saimanwi kaisa bolongni bithi 'Tokharum bubar' no tabok chai tongo. Ang o bithino chamani Tal kaisa wngkha tei wansokgo omo Ani sakni bemarno kasusok thwng hinui tei chini sak kaham tongna hinkhe chwng kwthang tongna bo nango hinui takhuk bukhuk sana naijakha Naresh.


Tokharum bubarno chamani bahaikhe chana kalai?


Naresh sao,"Horsa swkang twi o kochomrwi tonnwi nungo eba horsa tonya phano 1,2, gonta tonwibo nungmano salo waithamrog nungjakgo, abo je sawi rohorma twi ahaikhenu nwngjakgo."


Tokharum bwthaito Chao chini borog tei bubar bithi nango hinui bahaikhe saimankha?


Chayan Debbarma sakha bw kwdwkma jora romwino sakni hamya nukjakgui tongo chini borokrogni sakgo chwng jora jora aro oro ma thango tei ma hinmo aro bisingo chini chamani o chamungo chwng khel khai marwkya haini bangui Liver ni hamya twrwk twrwk wngui tongma rokbo chwng saiman rwk-ya. Salsa saimankha tei nukha kaisa YouTube Channel abo chini Northeast ni borokno bo Bithi bwraini sinimung phunukgo bini channel o nukha aroni bisingo chinikami gana gini manthokgo kaisa abo 'Tokharum bubar' bo aro bwthai no phunukgo puila olo sao bini bubar no nadi hinui tei aboni bisingo ah bithi no chana hinkhe Mwikothok chayai nungyai khalwi ma tongnai basiwi na tongnai, tei abo bwswk joratwi khalwi ma tongnai jwswk hamani nukjakya sak joratwino."



Chamung kaham chamung nungmung abo chini borokni bangui kwthang tongwi thanani abono puila yapri Kotor. Tei sak sakni kaham hamya naikolnani saktharna bagui chwng nijino wansogwi manahathai kwlaio. Tabokni mol o chini bagui YouTube ni jarwi bo kwbangma chubamung manwi tongo. Phiya kaisa Kotor saktharmungbai nini thinangni langmano bo kwbang bisi romwi narwk manu. Omo haikhenw kwbangma bolang halongw bithi mathogwi tongw.


"O kokbwkhal swnamjakha Adivasi Awaaz projectni bwkhaktwi, Misereor tei Prayog Samaj Sevi mothani chubamungbai"



Comments


bottom of page