top of page

Tripura Ni Laibumao Puila Tiprasa Party Ni Ungwi Batainai Aguli Ni Election O

Tripura Regional Party eba Tiprasa Party ni kok sana thang khe luku rogni khwk o mwng kasawi phaio INPT, IPFT tei Tipra motha. Tripura ni thwngkwrwng bodol ni kok sana thang khe laibuma no bw kisa khursa thai kwlaio - Bharat Hakotor bai gwdal mani yakulo omo no Tripura hasten laibuma o puila hinwi mano.

Source: Tripura Post

Thangnai TTAADC chongbari o batai na bangwi Bubagra Pradyot Manikya Debbarma bw Congress Party yakarwi kaisa kotorma yapri sep kha. Sakni no kaisa Party kwtal swnamkha TIPRA Motha hinwi ( The Indigenous Progressive Regional Alliance ). Adc ni kwcham Haphang Cpim bo mechemwi kwtal haphang swnam kha Bubagra Pradyot. Belai kwbang vote bai no kwplai swnam kha Tipra motha - Adc Haphang khana bangwi.


2021 bisi ni November Tal o Election Commision kaisa Press Meet khaiwi sakhlai kha Municipal Corporation Election 25 November o ungnai hinwi. Amoni yakulo Tipra motha ni ungwi Agartala Amchaio batai nai hinwi kwtal laibuma swnam na thangwi tonglaikha Tiprasa ni laibuma o.


November talni 2 tarik o Agartala ni kwbangma ward ni ungwi nomination thangwi rolaikha Tipra motha party ni ungwi. Agartala AMC ni ungwi batai nai Abhoynagar Ward no 11 ni Shibani Debbarma tei Ward no 12 Radharnagar ni ungwi batai nai Suparna Khisa tei Ward no 17 Krishnanagar ni ungwi batai nai Usharani Debbarma tei Wardno 19 ni ungwi batai Goutami Roy tei Ward no 22 ni ungwi batai nai Goldsmith Debbarma ako rok. Ora Nomination bwlai roma yaphar mani yakulo swrai swrai nwk jagwi tong kha Tipra Motha batai nai Tiprasa bosong ni simi liya kwbwn basongni borok bw batai nai AMC Election ni bangwi.


Bubagra Pradyot ni yakromwi o khorokba AMC election o bataina thangwi tong laibuma rwgwi o tal ni 28 tarik o bahai khe result phai chwng nwgwi mansinai. Agartala tongnai Tiprasa rogbw Reginal Party no Vote rowi mansinai hinwi sakha Tipra Motha ni adong rok.


Tipra Motha ni Spokesperson Anthony Debbarma ni sama twi Agartala amchaio 5 thai bai kwplai ung khe kaisa laibuma swnam nai hinwi.


Bisi bisi romwi phaikha tabok phanu bwrwi rogni bangwi kaisa mang hati achogwi phal jaknai kwrwi. Agartala mwi phalnai kwbanbma tongo lama rogo achogwi phalwi tong bai ma nwk jagwi tongo - Tipra motha kwplai ung kha hinwi kaisa laibuma swnam nai - Tripura kaisa bwrwi rogni market eba Hati nok tongo hinwi sakha Anthony Debbarma.


Tei bw sakha Agartala o Health ni samwng nw kaham khaiwi tisa wani. Swrwng nai rogni bangwi naikol wani.

bottom of page