top of page

Abwsa kwlwi kami nukhungo achaima sirisitio khwlaijakma tabokboda nukjakgwi tongkho nydi?

Dung beser tongnai tei hati chana kwchal tongnai malkhung nukya tongnai tei nokthai hachwk mura o tongnai aborog wngkha Tipra bosongni tongmung khakcha tei khakcha bo tongo borogni wansokgui puito chawi samung tangjakma. O samung hayung gwnangwi erjaknai borokni kwthang tongna bagwi manna kwtal langmani kerang kothoma.Kothoma kwchambai sursajakgo abo buma bohok kotor nukhung ni hamjwk sajwk sakrisa ri kengna naiphuru twlangwi sokgwi manya sokgwijaknai thaio tei tongo kwbangma kothoma abonibo haini tei sirisitio le obohaikhe nu bwrwi bumani risari kengrwlaio phiya wansokgwide man bisi 2020 rokgo bo obohai khwlaio hinui. Kaisa nukhung tongo borogni nukhung o current krwi chati chwngo chati kupi tei nukhung tin krwi tongo nukhung son halapjak kwrwi nokni dogolam kaham tongo berani wajak forki tei dogolam watwi kwlaio thopsa thopsakhe kwrwi hinmani bo kisani kokya khukbai sanale mano kisisakhe,borogni nukhung o tonglaio kwchang kwchangno tongthokgo nokhwla kwchar kawi naikhe kwrwi tongphano khakuwar khe tongo borogbai koksawi khakchangma mano.bini nukhung achaikha cherai Khoroksa thangna nanglia Hospital nokgo sirisitio khwlaijakmano puito chawi tabokbo obohairog nukhakgo nydi o cherai Khoroksa ni mwkhang tei nythok mwnwijak mwkhang chwngsajakrogni laithangjak kokrogno sana muchungjakgo khatung khajakheno.




Bwrwi buma bohokgo chuma balokhe twrwk twrwk bini nasingma kaisa jora amoswkno bini amjogmung sakpaya wngrwkgo bono logi rwnai kubui bini logisong tei bini maa Khoroksa Priti Debbarma umor 21 wngkha,"kaijakphuru umor 18 saini umor 21,22 obohairog hamjaklai khaphurwi nokni borok rogni chajakmabai kaijakha coronavirus hinui hamya joranu kaijakna nangkha nasingmanlia kwpalni swijakmani wngkhwna hinui kailabari aphuruno wngkha siring sorok khwlai.Chubalaikha kamini borogrog chini kwrwi nukhung no nasikgwi kahamkhenu panda palaijakha.


Hospital hachal thana palmaya twlangnai logi khasinai borog krwini bagwi phiya chubakha kamini 'Asha' khwlainai Khoroksa mung Sandhya Rani Debbarma bini saktharma bai logi twlangkha tei joto nangmani vaccine tei vitamin tablet aborog chakha.Tei obohaikhe jora salsa sokphaikha Hospital thangnani nangnai hinui thangmani mungsa wnglia rang puisa ni biyal salsa thangmabai phirog rohojakha Jora tongkhu hinui phiyaba ah jora sokphaiphirkha yago mobile kwrwi hor kuthuk wngkha keboni thani chubachu manhorlia haini bagwi nok bisingo borok Khoroksa khoroknwi nunghorna nangkha abohaikhe nobar kotor ni bisingo nobar sibma hamwi bangla ni asar-shravan mas ni ingraji ni June ni 3 tarikgo abwsa kwlai ni mwkhang nukha achaikha bwrwi bwsa.



Chwrai tei bumani sakham ni bagwi hamya bwswk nukjakha saka chwrai abwsani ni Nana,"aa jorao tongnairogni bisingo khoroksa Asha Kami ganani bo tongphano phon karirwi maya hai hinui tei khoroksa kisisa hachal kamini bukhuk Khiring Debbarma bono kobokgwi naharwi phaiwi buma abwsa kwlwi Bama yagolo phon karirwi rwphaikha o Khiring Debbarma, aboni jora aichukni 3 ta ni siming 3:30 omohai jora rog wngkhana tei jotono siring sorok thobaijak Dr. O twlnangnabo chwng thangswlap manlia abagwi agi chwngbo nokgo mangnu bohok sawi bwsa bawi kaham kwrwngkhe par wngwi phaijak hinkhe mungsa wanayawino nokgo nu wngsithwng hinui bwkha rakgwi samung khwlaina gosilaikha buma banaini kokno bo nawi thanglia nokgonu wngwi thangsinai jora tei nasingmanlia hinui phiyaba chwng thana nangwlak hinui tongphano Asha ni kaham kok chaitokmungbai Hospital o thana nangnai hinui sajakgwi aichuk wngwi pilala sal pasa phuru thangna nangkha Hospital o Dr. rogbo mungsa saya chwrai tei buma kahamno tongmabai swrapsa salnwi borti narakgwi abwsa kwlwini achaima certificate rohorwi nokgo phaipikha.


Tabok chwrai ni achaima tal bwswk laikha tei bini sakham bomhairog,"tabok 3 bosor kakha mung pharkha Sahini Debbarma tei haino nokgo nungma Khumbarti hinui ani suk kahamnu tei bini sakham bo mungsa hamya nukjakya tei wansokmaya o mol rogo bo nokrogo chwrai achairwi kaham wnganu hinui tei omo mwtaini thani kaham suri sanmabai kaham kwrwng wngkhana hinui khakao, sao buma banai ni bini mami,"


Raida sirwkmabai manjakgwi samung ma khwlaimabai khakotor wngwi samung wansokmung kubui kotor wngui yapri senani kwlaisaya.O jora rog wngkhana borokni bagwi thwina thangna ni amjogmung kotor.Tei borogni bisingtwi phunukgwi rwkha borokni puito bwswk joratwi kotor tei kubui bai mungsa khwlai maya krwi o swngcharo.


O kokbwkhal swnamjakha Adivasi Awaaz projectni bwkhaktwi, Misereor tei Prayog Samaj Sevi mothani chubamungbai.









Comments


bottom of page