top of page

Aghini jorani kwbwi Kerang Kothoma - Sakni sajwlano tangwi bwtharna nangkha

Ang tini nirok no aghini chini tiprasa rokni laithangma molbi kaisa kwbwi kerang kothoma khwna rinai khoroksa takhuk ni khuktwi mung Aldrin Debbarma. O kerang kothoma wngkha belai khaino wanama singcha tai kubui kothoma. Puila wngkha khoroksa borok bini mung PHAN GWNANGSA.


Kokborok Film - Screen shot Images

Phan gwnangsa wngkha bo agi cherai phuruni simino sikar khwlaina kwrwng salbrumno bolongo mang thangu sikar khainani, tai bini yago silai (Heandmade Gun) bo kongsa tongu bini o silaino logini kakphlaiya. Bo sikar khlai phuru bini silaini guli pai thang phano Mwsa kotor kotor rokno yaak bai mangno bwtharwi tubuo nogo aswk khai phan gwnang kiriya,Bini muchungma bo sudu bolongni posu pakhi rokno kogwi bwtharwi chanani. Jemon Mwswi,Mwsa, Mosok,Tok, Wak, Muphuk, Mwsandwi, abo hairok kwbangma no kogwi bwtharwi nogo tubui songwi chalaio. Bono bini buma,bupha song sakha tabukle sikla sokkha babu nukhung khlai chalaisidi hinwi kaiborwi rikha.



Bo khoroksa phan gwnang kebono kiriya aboni bagwi bini mung Phan gwnangsa pharjakkha. Bo bolongni kuno posu pakhi rokno phanosi kiriliya tamoni hinmale bo salbrumsi abo haikhe mang bolongo sikar khlaina thangu, Aboni ulo khai bini cherai bo achaikha chwla bwsa khoroksa.ulo khai bini cherai bo torkha 5 years rok wngkha hinke aphuruni simi khai bini cherai no bo salbrumno bini logio bolongo sikar khlainani twlangu,bahaikhe sikar khlai nani nang abo phwrwngna bagwi.


Salsa khai bini bihik sakha chwng haikhe mang salbwswk bolongni posu rokno kogwi chalai sinani bolongni posu rok kogwi chalai mani sai phaidi huk rok phano khlai chalai siwanu,bolongni posu rok kogwi chamang chamang paap nang nangnaikha chwngle. bwsai sakha ehhik ang bolongni posu rokno joto pairisugwi bwtharwi chabaiya sak tai kubuni samung khlai chaya.



Bihik, bwsai walaikha hinke no bihik sakha bwslano tinile ta thangsidi nini babuni logio hinwi.ulo bwsai sakha ani bwsla no tabukni simi sikar khlaina phwrwngya khai bo ulo kotor wngkhai bahaikhe samung rwngnaiba hinwi twlang thangkha bolongo.


Ulo bupha nukkha kaisa Mwswi kotorma abono kokna nai tongphuru khaino bini bwsla bo kubuni phaisingo bolong berai tongphuru achomsa kaphigwi kwlai rikha Bhola bothob kotormao( Wild Wasp Nest) aa bhola bothobni bo tai kutul manliya tamonihinmale aro aswk khai kwbangma bhola tongu bini sakni bahan rok warwi tong baikha tai thwitwi thwitwi wng tongkha, ulo bwsla rihinkha buphano apha apha ano banchi riphaidi ang thwinaikha apha hinwi, Bupha khwnaliya hakchalni bagwi,Ulo bupha rutukkha bwslano, nukkha bwslano bhola bothobo kwlaijak aroni yogwi manliya chirigwi simi tongkha,bwslano banchi rina thangkhai buphabo thwinai abohai wngtongkha aa jorao,bupha hinjaknai bini bwslano hakchalo Simi naharwi kabwi matongkha,ulo bupha bini nijeni yaak baino kogwi bwtharna nangkha bwslano.


Aboni ulokhai o phan gwnangsa saichungno nogo kiphilkha,bihik swngkha bwslani kok, bwsai kubui kok sakha bihikno anino chaliya ang nini kok tangwi khwnajakliya,ang bolongni posu rokno bwtharya khai tabuk ani bwsla o swngsaro kwthang no tongkhamu ang tai samung sitra khailiya tinini simi. Aphuruni simi khai bo tai bolongni manwi rokno dera riliya,borok huk rok khlai chalaikha


Tai chini takhuk Aldrin Debbarma no o kubui kerang kothoma agio bini dada bura song saikhna rimani, abo wngkha tiprasa rokni agini jukni kubui kothoma tongmani. Paithago bo lukurokno kok kwcharkha je kuno praan gwnang manwi rokno abo haikhe sak nangya khaina kokya abo belai khaino chaya kwlaio samung sitra ta khaibaidi.


"O kokbwkhal swnamjakha Adivasi Awaaz projectni bwkhaktwi, Misereor teiPrayogSamaj Sevi mothani chubamungbai."










Comments


bottom of page