top of page

Miss India Northeast kwplai ungma yakulo tabok tei kotor yaprio Bubar Debbarma


Bubar Debbarma ungkha bw khoroksa Tripura hasteo tongnai khoroksa Tiprajwk. Tripura hasteni represent khaina bangwi National Lavel ni ungwi Miss India Global o narwk jakha bataimwngw. Omo haikhe bisi bwrwngnw dalbidal fashion show hai bataimwng kwbangma Tripurani sikli roknw bataima nwkjagwi tongw.Tei kwbangma kwplai ungwi phaima bw nwk jwgwi phaio, thangnai kisasa joirao laidrop nw Rubaru Mr. India o bw kwplai ungwi phaikha Tripura hasteni Sikla Mithun Debbarma. Omo haikhe nw Tabok nw Bubar Debbarma bw laibuma swnamna yapri semaswk khwlaiwi bataina okharkha Tripura hasteni ungwi Represent khaina.


Bubar Debbarma sakha omo haikhe thinangw kebo phanu batai manu tei bataiwani mwchwk nai rok tongkhe Tripurani sikli rok phainai Bisio bw bataiwi manu. Kebo Bataina mwchwknai tong khe Instagram social media o kaisa page tongw Telentica hinwi kaisa Organisation for Pageant Miss India Global Hinwi ora regestration khaiwi kwrwi manu, tei kwbangma sakni nangkwk mani mangphli rok rowinai tei nikuma rok rowinai sakni hasteni mwng babaknw rowani nangw. O bataimwng Chwla model bw bwrwi model bw bataiwi manu. Tei Bubar kokkwchar kha Tripura hasteni sikla tei Sikli rok omo haikhe phainai bisi batimanu hinwi kha satonkha. Omo taihai bataina thangkhe sakni thanio toma toma Tongwa nang Bubar boni bw sawi khuna rokha Modeling khaina thangthanio Tongna nangw “Confidence” tei khakolok tei Positive bai tingna nangw. Tei Tripura hasteni ungwi kwbangma boroknw bataiwi manu 6 ni simi 7 borok phiya narwk jaknai khoroksa nw omo haikhe Bubar Debbarma bw narwk jakha haiye kha Kwplai ungkha Tripura hasteni ungwi abobo Tiprasa ni bisingw. Tei Northeast ni ungwi joto hasteni nw ora bataimwng kwrwng phaio kaisa kaisa hasteni nw kwbangma modeling khainai rok. Tabok Bubar hai kheno jotoni hasteni ungwi khoroksa nu yachak o. Omo haikheno Tripura ni ungwi khe taklai bisino 5jan bataimwngw bataina bangwi kwrwng phaikha.



Phanai bisi 2023 kwtalni February talo kaisa “Grand Finale” ungnai Goa tei Mumbai o. Bubar Debbarma ni aghini simi nw omo hai Modeling ni bataimwng o kha sotong jagwi tongmani. Phiya kwbangma bataimwngnw “Height” nangma bangwi bw baiatimwngw kebengmwng ungwi Tongja mani - haiphanu o bataimwngw khe mwng “Height” haiya khe ba Bwrwi kolok bara jotono bataiwi manu Hinwi nw bw ora waisa baino tiki kha. Bubar saksakno belai kotor sep manma kwlai jakha. Aghini simini nw mwchwk phiya sep manyani bangwi bw kwrwngwi manliya. Kubun bataimwng “Femina” hai rogo khe 5.4 tei 5.5 kolok bwrwi ungna nangw tiki drapni bangwi phanu. Tei Bubar ni height hinkhe 5.2 ni bangwi kwdwkma Jora romwi Batai manya ungwi tongja mani. Tabok khe bw waisa batai mabaino Kaisa kotorma sep o yak soton jakma hai ma tongjakha. Bwskangw kaisa kotorma bataimwng tongw omo twi belai khatungmani bisingtwi kirimani bw ungjagwi tongkha Bubar, Tangwi hinkhe Sakni Hasteno twi kaisa kotor barja twiwi Tongma bai. Tei belai khathangsa mani bisingtwi bwskang kaisa kotor bataimwngw bataina thangwi tongkha bw. Je mansak bataina bangwi naising jak Bubar. Omo tahai bataimwng bataiwi kwplai ungkhe bw sep manwi man - Ora kwbangma nw sep tongw sakni Culture tei Heritage roknw promote khaiwani tei Hayungo phunuknani sep. 1st haiya khe 2nd phanu tiki

khe Bharat hakotorni ungwi International level o bataiwi manai tei “Miss World Heritage” Miss Ecological” hai rogo bataiwi manu. Bubar Debbarma bw khoroksa professional make-up Artist tei Hair stylist bw aghio Mumbai city o swrwngwi phaijak, abono karwi bw Kokborok short film bw acting rok khaiwi tongw. Thangnai jora kaisa Swkal short film o bw act khaima nwk jakha. Tei Part time haikhe aghio Model roknw bw Makeup rok khaiwi phaijak. Covid jorani jwngjal ungma baino bw nogo kiphil phaina nangkha. Tei bw Entrepreneur ungnani bw Kaisa lama naitwgwi tongw Bubar.




Bubar phainai jorao tei bw omo tahai bataimwng bataina nang jako tangwi hinkhe bebak thaionw kwrwngwi tongna - Political, Education tei Administration hai Sports hai joto Development ungkhe babak society ni Develop ungnai Hinwi. Tiprasa ungwi tabok bebak Thaio represent khaina nang tongkha. Tripura hasteni Tiprasa rokni jwngjalnw nwgwi bw tei sakha Tripura hasteni jwngjalno kate rona bangwi Tiprasa ni bisingw tei bw Administration power nangw tei nangjagw hinwi.



Comments


bottom of page