top of page

Tabuk Ni Jorao Waaruk Bai Swnaam Jaak Chaatirok Nogno Belai Chwnamriwo

Puila no norok jotono khulumkha. Chini jora sabrum brum no swlai jaagui tongo. Eba, jora bai mwchangui no wa bai bo kwtaal kwtaal manui swnaam jagwi tongo. Nok naithok no mwchangwi tinini saalo chaati swnaamjago. Tini chwng nailainai baaksa naithok khe swnaamjaak chaati eba lamp rogno. Aang saak no omohai chaati swnaamna rwngo.

Bazaaro kwbangma juda juda design ni chaati maano

Chaati eba lamp swnaamna bagwi taamo taamo naang:

  • Waathlok Waaruk

  • Fevicol

  • Bulb

Swnaamnani raida:

  • Puila nango waathlok waa ni waruk. Aa waa no 12 taal jora twino bolongo man thogu. Aa waruk chir jakno satungo phwran na nangu saalsa. Satungo phwran khai waruk bakhumai perya wngo tai kwbaangma saal tikiwo.

  • Waaruk raankha khe bono bara bara khe raawoi maa raabnai. Aa je manwi rabmani raida no nirok video o naai mano. Abo ALM ni Youtube website o manano.

  • Raab phuru kaisa part khe lamp ni saka ni ma waawo, tei kaisa part khe tola ni ma waawo. Aabo kwnw parts no fevicol bai ma jora riwo. Waaruk kisa rwja naiwui ma thepawo khe chaati kwrak wngo.

  • Paithako khe saak je hamjakmani rong ni bulb thepai rimano. Abo thepabai ulo, nini nog belai naithokgano.

Waathlok waaruk bai swnaam jaago

Aang phunukmani no yakawui bo kwbangma design bazaaro manthokgo. Naikhakhe kisa kutug khe nugano haiphano khwlaite khwlaite khe laiwui thango. Ang bo swkaang swnamna rwngya tongmani. Angbo practice khaite khaite no maan thangkha. Ano o samung ani bai si phwrwng mani tai bono ang belai khe hambai bo yaphar kha je bo ano o samung no phwrwng rimani bagwi.O kokbwkhal (article) no parinai rokno bo aang koina muchugo, nirok bo nogo swnaamwi naidi. Ibohai chaati rok tinini saalo belai khe phaaljago. Bazaaro belai demand tongo.

O chaati no pairw swnambai nani 1 hour rok nangu. Saalo kaham khai haba khaikhakhe 10 ta rok swnamwi manu. Wansok naaikhe o samung baibo nukhungno naai maano. Hinke aswk jora twi no ani swi mung, jotono hambai.


O kokbwkhal swnamjakha Adivasi Awaaz projectni bwkhaktwi, Misereor tei Prayog Samaj Sevi mothani chubamungbai.

bottom of page