top of page

'Tokha ganthi bwthai' bai bemar hamma bwswk jora lukurog sikuk saimanlainai?

Murduk kwswngwi bwlai kwkhrang bwthai kuphurbai kwkhrang merengwi thaio 'Tokha Ganthi bwthai' o Tokha ganthi bwthai chwng mokolo kwlaiphano bini kahamno saimanna chaitokjakya hinuimano. Kwtwini bemar hamrwnai kwkha jatiyo bithi bwrai abo chini saimanmao dalbidal bo tongo tei kwtwi no mechenrwi manaile kwkhasi hinui bo kokbai sajakgui tongo,haini bagui kwkha tei belaino kwkha chakhe kwtwi bemar hammo tei chini kwkha chamani kwkha bemarno simibo katirwi tongya, kwkha rog bo chathani sakham chwng saimaya aborognobo teibo sajaknai tongo.phaidi chini tini ni saimanthaino bo teisa kwbang kokbai dalbidal kokthaini bisingtwi saimanmung saimanna chenglainai.


"Chini borokrogni bagui achaiphai nukmani hasakao bebakno tongo tei thaisa tei kaisa ni jwngjal ni baguibo lama kuphungui tongkhe aboni phiyokrwjaknai bo tongo.Haini bagui bemar bumuk kwphamarogbo kaisa jwngjalni Kotor poja tei aboni yokna bagui bo chini rangchak hasakao chwng achaima thaio nu naitok naikhe chini nok gana ginino bithi bwrai nangmani kuphungui tongmarog chwng mokolo kwlaiya.Tei chini manthokma ganarogni bithi nangma wngthwng moi kwthwng wngthwng abohainobo chwng samung nangjakya wngui tonjakgo tei abo chwng chini borok joto obohaikhe nu tonnu. Ani Nokthai tongma ganasokgo oro manthokgo mungsa bemar ni bithi abo kwtwi bemar ni bithi tei abono karwibo o bithini kaham tongo abo chini sak kaham wngthani chwngo chubao, o 'Tokha ganthi bwthai' belai khe kwkha haini bagui kwtwini bemar manjaknairog obono chawi Mano tei chakhe saimanai bwswk jora kaham tei hamya, tei chini borokni bagui chamung chathani kwkha jatiyo moikwthwng akorogno chwng kisisa chakhe bo chini sak sori ni bagui kaham chwng romwi mano." Sao-Bishulaxmi Debbarma"



Chini borokrog kwkha tangui chana bang tei kwkha chamani bwswk jora kaham?

Bishulaxmi saphiro," kwkha chamani taal salsa tongo amo chwng aphuru simisi 108 prakar bithi hinui chana nango hinui chalaio tei abo chwng hasakao bini haino achai phainai abohairogno naitokgui Chao tei aborogni bisingo chini malmatarog chamani aborogno bo chwng dalogui moikwthwng swnamwi songui chalaijao.Tabok o Tokha ganthi bwthai bo omohaino Bono chwng moi songui chanakhe chawibo mano rangbai Pai chana nangya moikwthwng swnamwi.Chini sakhamni bagui chini joto nangmao chana nango kwkha, kwtwi, aborogno khopbwi bisio waisa eba phatisa phano chana nango hinui taal kaisao khe chana nangsokgo hinui chajakgo,abo tangui hinkhe baksa kwkha chaimaya tongo haiphano chwng kwkhabo chana nango hinui salaio sakni bagui kaham hinui.Tei aroni bisingo bemar hamya katirwo hinuibo salai tei joto bemar hamyarog chamung ni bisingtwino kwbang nukjakgo tei aborogno chwng taalsa bai mokolo bo nukya tei bisi romwi kwdwk jora lai umor lamokphuru chwng saimanrwkgo.Aboni bagui chwng kwtwi bemar rogni bagui simiya o 'Tokha Ganthi bwthai' taboksak Jora kaham kwrwngrogni bagui bo moikwthwng khwlai chawi mano hinui sao."


Tokha ganthi bo jorao manthok?

"Bini achaima phang hinkhe murduk phang tei bo kwswngwi thaio alka buphang rogo tei bari rokgo bera mankhe aro kwswngwi kwrwngwi thaio bwthai' kiting kiting khe,tei jora bisi paithakgo hinkhe Bono tei naitokgui manliya,haini bagui August mas rogo o murduk bithi phang kwswngna chengo tei October, November, December jora bini bwthai rwma umor amswk jora."


Luku hamkwraini bagui lukurogni saimanna nangkukgo chini hasakao achai phaijak bithi bwraini mungrog.Tei O 'Tokha ganthi bwthai' ni hamkwrai no bo chini borokrogni bagui hamari wngui achai phaio hinui chwng sinina bo nango tei hamrwirwo hinui bo bemar no kasuwibo tongo chini bolongni manthokma bithirog.



"O kokbwkhal swnamjakha Adivasi Awaaz projectni bwkhaktwi, Misereor tei Prayog Samaj Sevi mothani chubamungba"





Comments


bottom of page